Fótbolti

Óttast að Róbert Frosti sé al­var­lega meiddur

Aron Guðmundsson skrifar
Róbert Frosti í leik með sínu liði.
Róbert Frosti í leik með sínu liði. mynd/gudmund svansson

Róbert Frosti Þorkelsson, miðjumaður sænska úrvalsdeildarfélagsins GAIS, gæti verið lengi frá eftir að hafa meiðst á hné á æfingu með liðinu í gær. Beðið er eftir niðurstöðum rannsókna til að úrskurða um það hversu alvarleg meiðslin séu.

Þetta staðfestir Felix Karlsson, sjúkraþjálfari GAIS í samtali við staðarmiðiðlinn GP. 

Um hnémeiðsli er að ræða og óttast forráðamenn liðsins að þau séu alvarleg. Róbert Frosti hefur verið sendur í rannsóknir til að skera úr um alvarlega meiðslanna og er nú beðið svara. 

Róbert Frosti hefur skorað fjögur mörk í nítján leikjum með GAIS á yfirstandandi tímabili í sænsku úrvalsdeildinni. GAIS vermir níunda sæti deildarinnar og er með 27 stig.

Róbert Frosti er 21 árs gamall og hefur verði á mála hjá GAIS síðan í upphafi árs 2025 er hann gekk í raðir liðsins frá uppeldisfélagi sínu Stjörnunni.

Hjá Gais hefur hann spilað 33 leiki og skorað sex mörk. Róbert á leiki með öllum yngri landsliðum Íslands.

Sænski boltinn Fótbolti Íslendingar erlendis

Mest lesið


Fleiri fréttir

Sjá meira


×

Mest lesið