Al­elda bíll í Kópa­vogi

Slökkviliðið fékk ábendingu rétt fyrir klukkan hálf ellefu og var komið á vettvang klukkan hálf. Unnið er að því að slökkva eldinn samkvæmt Lárusi Steindóri Björnssyni, varðstjóra hjá slökkviliðinu á höfuðborgarsvæðinu.

Bíllinn er í ljósum logum ef marka má myndir af vettvangi. Þá virðist eldurinn hafa teygt sig í bíl sem stendur við hlið hans. Af myndskeiði að dæma kom örlítil sprenging út frá bílnum.

Fréttin hefur verið uppfærð og leiðrétt að bíllinn er við Fífuhvamm, ekki Fífuhvammsveg.