Sjáðu Þorstein kynna hópinn fyrir HM-leiki við Króata

Sindri Sverrisson skrifar 24. september 2026 12:45

Sveindís Jane Jónsdóttir er á sínum stað í íslenska hópnum og hefur verið að spila frábærlega í Bandaríkjunum með Angel City. Getty/Bradley Collyer

Vísir var með beina útsendingu frá Laugardalsvelli í dag þar sem Þorsteinn Halldórsson, þjálfari kvennalandsliðsins í fótbolta, kynnti nýjasta landsliðshóp sinn.

Um er að ræða hópinn sem mætir Króatíu í tveggja leikja einvígi í október. Sigurliðið mætir svo Portúgal eða Norður-Írlandi í úrslitaeinvígi um sæti á HM í Brasilíu næsta sumar.

Í hópnum eru tveir nýliðar, þær Líf Joostdóttir van Bemmel úr Breiðabliki og Emelía Óskarsdóttir, framherji Danmerkurmeistara Köge. Sagðist Þorsteinn líta á Líf sem bakvörð í hópnum.

Ísland verður án leikmanna á borð við Söndru Maríu Jessen, Sædísi Rún Heiðarsdóttur og Lindu Líf Boama, sem eru meiddar, og miðvörðinn Ingibjörgu Sigurðardóttur sem gengur með sitt fyrsta barn.

Blaðamannafundinn má sjá hér að neðan og landsliðshópinn þar fyrir neðan.

Fyrri leikurinn við Króatíu er á útivelli 9. október en sá seinni á Laugardalsvelli 13. október.

Landsliðshópur Íslands: