Dómsmál

Dómsmál

Fréttir af málum sem rata fyrir dómstóla.

Fréttir í tímaröð

Fréttamynd

Á­kærður fyrir að veiða minka

Karlmaður á áttræðisaldri hefur verið ákærður fyrir brot gegn lögum um vernd, friðun og veiðar á villtum fuglum og villtum spendýrum, með því að hafa veitt að minnsta kosti fimm minka í búr og aflífa þá síðan.

Innlent
Fréttamynd

Mælti sér mót við barn og réðst á það

Karlmaður á sextugsaldri hefur verið dæmdur til sextíu daga skilorðsbundinnar fangelsisvistar fyrir að ráðast á pilt í Hamraborg í Kópavogi í apríl árið 2023. Hann neitaði sök en gekkst við því að hafa mælt sér mót við piltinn til þess að ræða við hann vegna eineltis sem hann sagði piltinn leggja son sinn í.

Innlent
Fréttamynd

Aðal­með­ferð hafin í Múlaborgarmáli

Aðalmeðferð í máli ungs manns, sem ákærður er fyrir að nauðga barni á leikskólanum Múlaborg í tvígang, er hafin. Hann var starfsmaður á leikskólanum þegar hann er sagður hafa brotið á barninu.

Innlent
Fréttamynd

Eden Mining vill ekki sjá málið fyrir dóm­stólum

Eden Mining ehf., sem hefur helst það verkefni með höndum að vera milliliður fyrir Sjöunda dags aðventista við námugröft, vill ekki að mál sem nokkrir aðventistar höfðuðu á hendur fyrirtækinu rati fyrir dómstóla.

Innlent
Fréttamynd

Fram­kvæmda­stjóri Fjölmiðlanefndar lagði ríkið endan­lega

Elfa Ýr Gylfadóttir, framkvæmdastjóri Fjölmiðlanefndar, hafði betur gegn íslenska ríkinu fyrir Hæstarétti í dag. Því þarf fjármála- og efnahagsráðherra að útskýra skriflega hvernig launakjör Elfu Ýrar og annarra forstöðumanna eru ákvörðuð. Það gæti útheimt heljarinnar vinnu þar sem forstöðumenn ríkisins eru um 200 talsins.

Innlent
Fréttamynd

Sýknaður af á­kæru fyrir ítrekaðan harmonikkuleik

Karlmaður hefur verið dæmdur til 90 daga skilorðsbundinnar fangelsisvistar fyrir auðgunarbrot, brot gegn útlendingalögum og fíkniefnalagabrot. Hann var aftur á móti sýknaður af ákæru fyrir að hafa ítrekað valdið hneykslan og óspektum á almannafæri vegna ölvunar og ónæði með því að betla þar peninga af almenningi með harmonikkuspili.

Innlent
Fréttamynd

Ingi­björg þarf ekki að víkja í máli Margrétar

Ingibjörg Þorsteinsdóttir landsréttardómari þarf ekki að víkja sæti í máli Margrétar Friðriksdóttur á hendur Icelandair vegna atviks árið 2022, þegar Margréti var vísað úr flugvél flugfélagsins. Margrét krefst tuga milljóna króna vegna ætlaðs fjártjóns vegna atviksins en Icelandair var sýknað af öllum kröfum hennar í héraði. Krafa Margrétar um að Ingibjörg viki sæti tengist umtöluðu meiðyrðamáli sem höfðað hefur verið á hendur Margréti.

Innlent
Fréttamynd

Verjanda Helga Bjarts nóg boðið

Umfjöllun fjölmiðla um mál Helga Bjarts Þorvaldssonar sem dæmdur var fyrir kynferðislega áreitni gegn dreng í Hafnarfirði hefur vægast sagt verið villandi að sögn verjanda Helga. Hann segist sjá sig knúinn til að stíga fram og benda á nokkrar staðreyndir í málinu vegna þess sem hann segir vera rangfærslur foreldra brotaþola í viðtölum. 

Innlent
Fréttamynd

Af­leiðingarnar af syst­kina­broti séu verri en brotið sjálft

Þrjár konur sem allar hafa verið beittar kynferðislegu ofbeldi af bræðrum sínum segja mikilvægt að foreldrar fái fræðslu um systkinabrot og hvernig eigi að taka á þeim. Þær segja viðbrögðin við ofbeldinu og afleiðingarnar af ofbeldinu sem þær urðu fyrir jafnvel verri en ofbeldið sjálft. Tvær voru beittar ofbeldi af eldri bræðrum en sú þriðja, Tinna, af ættleiddum dreng sem var síðar sendur af heimilinu.

Innlent
Fréttamynd

Skálm­öld stígur ölduna í héraðs­dómi

Aðal­með­ferð hófst fyrir Héraðs­dómi Reykja­víkur í dag í máli þunga­rokks­hljómsveitarinnar Skálmaldar gegn Alda Music ehf. en tekist er á um út­gáfurétt á plötunni með upp­tökum frá tón­leikum Skálmaldar og Sin­fóníu­hljómsveitar Ís­lands.

Innlent
Fréttamynd

Dómur yfir Helga Bjarti: Fara þyrfti var­lega í að draga á­lyktanir út frá fram­burði drengsins

Fjölskipaður dómur Héraðsdóms Reykjaness taldi ekki unnt að slá því föstu að Helgi Bjartur Þorvarðarson hefði gerst sekur um háttsemi sem flokka megi sem önnur kynferðismök en samræði, þegar hann braust inn til tíu ára drengs í Hafnarfirði og lagðist upp í rúm til hans. Hann var sakfelldur fyrir kynferðislega áreitni í stað nauðgunar og var dæmdur til 12 mánaða fangelsisvistar, þar af eru níu mánuðir skilorðsbundnir.

Innlent
Fréttamynd

Helgi Bjartur dæmdur í tólf mánaða fangelsi

Helgi Bjartur Þorvarðarson hefur verið dæmdur í 12 mánaða fangelsi fyrir að brot gegn tíu ára dreng í Hafnarfirði. Níu mánuðir dómsins eru bundnir skilorði. Hann var ekki sakfelldur fyrir að nauðga drengnum heldur fyrir kynferðislega áreitni í hans garð.

Innlent

Mest lesið