Eriksen orðinn leikmaður Inter

Christian Eriksen er genginn í raðir Inter frá Tottenham. Hann skrifaði undir fjögurra ára samning við ítalska félagið.

| ANNOUNCEMENT

Milano: your elegance is about to meet its match.

https://t.co/5NPAw5M3Xj#WelcomeChristian#NotForEveryone  pic.twitter.com/on6q0fIVvP

— Inter (@Inter_en) January 28, 2020

Samningur Danans við Spurs hefði runnið út í sumar og hann var lengi orðaður við brottför frá félaginu.

Tottenham keypti Eriksen frá Ajax 2013. Hann lék alls 305 leiki fyrir Spurs og skoraði 69 mörk.

Eriksen, sem er 27 ára, er þriðji leikmaðurinn sem Inter fær til sín í janúar. Áður voru Ashley Young og Victor Moses komnir.

Inter er í 2. sæti ítölsku úrvalsdeildarinnar, þremur stigum á eftir toppliði Juventus. Inter hefur gert jafntefli í síðustu þremur deildarleikjum sínum.

Eriksen er fjórði Daninn sem leikur með Inter. Hinir eru Harald Nielsen, Thomas Helveg og Patrick Olsen.