Cole saknar Vieira

Varnarmaðurinn Ashley Cole hjá Arsenal segir að leikmenn liðsins sakni fyrirliða síns Patrick Vieira og segir að skarð hans verði ekki fyllt á miðjunni hjá Arsenal, enda sé liðið í bullandi vandræðum það sem af er leiktíðinni. "Við misstum fyrirliða okkar og leiðtoga á miðjunni og þó við höfum fengið Alexander Hleb í staðinn, finnst mér að skarðið sem Patrick skildi eftir sig verði ekki auðfyllt. Við getum víst lítið gert í því nema að gera það besta með það sem við höfum," sagði Cole daufur í dálkinn, enda hefur Arsenal þegar tapað tveimur af fjórum leikjum sínum á tímabilinu.