Barcelona þarf ekki nýjan sóknarmann – þeir eiga annan Messi

Mikið hefur rætt og skrifað um nauðsyn þess að Barcelona fái til sín nýjan sóknarmann í fjarveru Samuel Eto´o og Lio Messi. En færri vita að með spænskum ríkisborgararétt Rafel Marques hafa opnast dyr fyrir 17 ára undrabarn í herbúðum liðsins - hinn 17 ára gamla Giovani.

Giovani þessi heitir fullu nafni Giovani Dos Santos og kemur frá Mexíkó. Hann hefur verið í herbúðum Barcelona frá táningsaldri og þykir ótrúlegt náttúrubarn í íþróttinni - ekki ósvipaður Lionel Messi. Giovani hefur hins vegar liðið fyrir að aðeins er heimilt að nota þrjá leikmenn utan evrópska efnahagssvæðisins í spænska boltanum, og hafa Rafael Marques, Eto´o og Ronaldinho tekið þau pláss á síðustu tímabilum. Hins vegar bendir nú allt til að sá fyrstnefndi fái spænskan ríkisborgararétt á næstu dögum og gæti það því opnað leið fyrir Giovani inn í aðallið Barcelona.

Stjórinn Frank Rijkaard hefur enn sem komið er þráast við að gefa Giovani eldskírn sína en í fjarveru Messi næstu vikur gæti Hollendingurinn ekki átt annara kosta völ en að bæta hinum 17 ára gamla alhliða sóknarmanni inn í hópinn. Giovani lék talsvert með Barcelona á undirbúningstímabilinu og þótti þá með bestu mönnum liðsins; skoraði meðal annars ótrúlegt mark gegn Aarhus á undirbúningstímabilinu sem hægt er að sjá hér:

http://www.youtube.com/results?search_query=giovani+AND+barcelona