Umfjöllun og viðtöl: Stjarnan - Fram 23-26 Guðmundur Marinó Ingvarsson skrifar 30. október 2012 19:00 Mynd/Valli Fram er enn taplaust á toppi N1 deildar kvenna eftir þriggja marka sigur á Stjörnunni á útivelli 26-23. Jafnt var í hálfleik 13-13 en Fram náði mest fimm marka forystu eftir hlé og vann nokkuð öruggan sigur. Eftir jafnar upphafsmínútur náði Fram fjögurra marka forystu um miðbik fyrri hálfleiks 9-5. Með mikilli baráttu og fínum varnarleik náði Stjarnan að komast yfir fyrir hálfleik 13-12 áður en Birna Berg Haraldsdóttir skoraði síðasta mark fyrri hálfleiks. Líkt og í fyrri hálfleik var jafnræði með liðunum í upphafi seinni hálfleiks en um miðbik hálfleiksins skildi aftur á milli og nú náði Fram mest fimm marka forystu 23-18 þegar tólf mínútur voru eftir af leiknum. Stjarnan náði að minnka muninn og hefði hæglega getað hleypt mun meiri spennu í leikinn ef liðið hefði ekki klúðrað tveimur vítaköstum seint í leiknum auk þess að kasta boltanum frá sér í hraðaupphlaupum. Stjarnan komst ekki nær en þrjú mörk og Fram því enn ósigrað í sex leikjum á meðan Stjarnan er enn með sex stig, nú í sjö leikjum. Fram hefur oft leikið mun betri sóknarleik en Birna Berg Haraldsdóttir gladdi augað með fallegum mörkum þó fjarað hafi undan hennar leik er leið á leikinn enda enn nokkuð í að hún komist í sitt besta form. Stella Sigurðardóttir skilaði sínu þrátt fyrir að vera klippt út lungan úr leiknum og Elísabet Gunnarsdóttir og Ásta Birna Gunnarsdóttir skiluðu sínu. Guðrún Bjartmarz kom inn í mark Fram seint í fyrri hálfleik og átti mjög góðan leik en hún varði meðal annars tvö vítaköst frá leikreyndum leikmönnum Stjörnunnar er heimamenn reyndu að minnka muninn seint í leiknum. Stjarnan getur mun betur og er í raun jákvætt fyrir liðið hve litlu munaði á liðunum þrátt fyrir að lykilmenn hafi ekki leikið eins og best þær geta. Halldór: Náum ekki að slökkva í þeim„Við vorum ekki klárar til að byrja með varnarlega og ekki heldur sóknarlega. Við gerum tíu tekníska feila í fyrri hálfleik og þær komast á bragðið og finna að þetta er möguleiki og þá verður þetta erfitt hjá okkur," sagði Halldór Jóhann Sigfússon þjálfari Fram í leikslok. „Þær reyna að stjórna leiknum og við vorum ekki klárar í að ganga út í þær og fáum fullt af aula mörkum á okkur. „Ég hafði svo sem ekki áhyggjur af þessu í seinni hálfleik enda fyrst og fremst að einbeita mér að því að stjórna leiknum. Þetta var komið í þægilega stöðu þegar lítið er eftir í seinni hálfleik en alveg eins og í fyrri hálfleik þá gefum við eftir í staðin fyrir að halda áfram og taka sjötta, sjöunda markið sem slekkur í þeim. „Ég er ósáttur við margt í leiknum en þegar við förum fram úr þeim þá spilum við fína vörn og fáum markvörslu. Það er jákvæðast. Sóknarlega erum við langan hluta ekki með. Birna gerir fullt af góðum mörkum en ég hefði viljað fá meira út úr Sibbu (Sigurbjörgu Jóhannsdóttur), hún veit það best sjálf. Við setjum kannski of mikla pressu á okkur sjálfar," sagði Halldór Jóhann. Skúli: Hraðaupphlaupin vantaði„Það vantaði örlítið meira sjálfstraust í okkar lið þegar upp er staðið. Við spilum fínt á köflum og ég er mjög sáttur við margt. Við misstum aðeins haus í sókn á köflum og náðum þar að leiðandi ekki að klára leik sem er jafn mikilvægur og þessi er," sagði Skúli Gunnsteinsson þjálfari Stjörnunnar eftir leikinn. „Vörnin á köflum er alveg ágæt. Við fáum ekkert hraðaupphlaup á fyrsta tempói, við fáum engin ódýr mörk úr hraðaupphlaupum. Við erum ekki með þá markvörslu sem við erum oftast með sem hangir saman með hraðaupphlaupunum. Að öðru leyti erum við með allan efnivið í leikinn. „Þetta var jafn leikur þar sem Fram spilar sinn bolta en við náum ekki að klára okkar 100% á öllum sviðum. Við brennum af mörgum dauðafærum, tökum rangar ákvarðanir. Við klikkum á vítum og það er ekki eitthvað sem maður vill sjá mikið af í leikjum sem þessum. Við höfum ekki efni á því gegn Fram. „Fram fær fimm auðveld mörk úr hraðaupphlaupum en við ekkert, það er erfitt að vinna upp fimm mörk á öðrum sviðum gegn liði eins og Fram," sagði Skúli að lokum. Olís-deild kvenna Mest lesið „Hún reif í mig og hraunaði yfir mig, á Marilegan hátt“ Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Stöðvuðu bardaga alblóðugrar Valgerðar Sport Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Var kennari og þjálfaði karlalið þegar hann stýrði kvennalandsliðinu Fótbolti Aðeins einn löglegur dúkur svo Valur og FH byrja saman í Krikanum Handbolti Fleiri fréttir Ólafur með fjögur mörk í fyrsta sigri Karlskrona Í beinni: Fjölnir - HK | Tekst nýliðunum það sem meisturum FH tókst ekki? Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Sjá meira
Fram er enn taplaust á toppi N1 deildar kvenna eftir þriggja marka sigur á Stjörnunni á útivelli 26-23. Jafnt var í hálfleik 13-13 en Fram náði mest fimm marka forystu eftir hlé og vann nokkuð öruggan sigur. Eftir jafnar upphafsmínútur náði Fram fjögurra marka forystu um miðbik fyrri hálfleiks 9-5. Með mikilli baráttu og fínum varnarleik náði Stjarnan að komast yfir fyrir hálfleik 13-12 áður en Birna Berg Haraldsdóttir skoraði síðasta mark fyrri hálfleiks. Líkt og í fyrri hálfleik var jafnræði með liðunum í upphafi seinni hálfleiks en um miðbik hálfleiksins skildi aftur á milli og nú náði Fram mest fimm marka forystu 23-18 þegar tólf mínútur voru eftir af leiknum. Stjarnan náði að minnka muninn og hefði hæglega getað hleypt mun meiri spennu í leikinn ef liðið hefði ekki klúðrað tveimur vítaköstum seint í leiknum auk þess að kasta boltanum frá sér í hraðaupphlaupum. Stjarnan komst ekki nær en þrjú mörk og Fram því enn ósigrað í sex leikjum á meðan Stjarnan er enn með sex stig, nú í sjö leikjum. Fram hefur oft leikið mun betri sóknarleik en Birna Berg Haraldsdóttir gladdi augað með fallegum mörkum þó fjarað hafi undan hennar leik er leið á leikinn enda enn nokkuð í að hún komist í sitt besta form. Stella Sigurðardóttir skilaði sínu þrátt fyrir að vera klippt út lungan úr leiknum og Elísabet Gunnarsdóttir og Ásta Birna Gunnarsdóttir skiluðu sínu. Guðrún Bjartmarz kom inn í mark Fram seint í fyrri hálfleik og átti mjög góðan leik en hún varði meðal annars tvö vítaköst frá leikreyndum leikmönnum Stjörnunnar er heimamenn reyndu að minnka muninn seint í leiknum. Stjarnan getur mun betur og er í raun jákvætt fyrir liðið hve litlu munaði á liðunum þrátt fyrir að lykilmenn hafi ekki leikið eins og best þær geta. Halldór: Náum ekki að slökkva í þeim„Við vorum ekki klárar til að byrja með varnarlega og ekki heldur sóknarlega. Við gerum tíu tekníska feila í fyrri hálfleik og þær komast á bragðið og finna að þetta er möguleiki og þá verður þetta erfitt hjá okkur," sagði Halldór Jóhann Sigfússon þjálfari Fram í leikslok. „Þær reyna að stjórna leiknum og við vorum ekki klárar í að ganga út í þær og fáum fullt af aula mörkum á okkur. „Ég hafði svo sem ekki áhyggjur af þessu í seinni hálfleik enda fyrst og fremst að einbeita mér að því að stjórna leiknum. Þetta var komið í þægilega stöðu þegar lítið er eftir í seinni hálfleik en alveg eins og í fyrri hálfleik þá gefum við eftir í staðin fyrir að halda áfram og taka sjötta, sjöunda markið sem slekkur í þeim. „Ég er ósáttur við margt í leiknum en þegar við förum fram úr þeim þá spilum við fína vörn og fáum markvörslu. Það er jákvæðast. Sóknarlega erum við langan hluta ekki með. Birna gerir fullt af góðum mörkum en ég hefði viljað fá meira út úr Sibbu (Sigurbjörgu Jóhannsdóttur), hún veit það best sjálf. Við setjum kannski of mikla pressu á okkur sjálfar," sagði Halldór Jóhann. Skúli: Hraðaupphlaupin vantaði„Það vantaði örlítið meira sjálfstraust í okkar lið þegar upp er staðið. Við spilum fínt á köflum og ég er mjög sáttur við margt. Við misstum aðeins haus í sókn á köflum og náðum þar að leiðandi ekki að klára leik sem er jafn mikilvægur og þessi er," sagði Skúli Gunnsteinsson þjálfari Stjörnunnar eftir leikinn. „Vörnin á köflum er alveg ágæt. Við fáum ekkert hraðaupphlaup á fyrsta tempói, við fáum engin ódýr mörk úr hraðaupphlaupum. Við erum ekki með þá markvörslu sem við erum oftast með sem hangir saman með hraðaupphlaupunum. Að öðru leyti erum við með allan efnivið í leikinn. „Þetta var jafn leikur þar sem Fram spilar sinn bolta en við náum ekki að klára okkar 100% á öllum sviðum. Við brennum af mörgum dauðafærum, tökum rangar ákvarðanir. Við klikkum á vítum og það er ekki eitthvað sem maður vill sjá mikið af í leikjum sem þessum. Við höfum ekki efni á því gegn Fram. „Fram fær fimm auðveld mörk úr hraðaupphlaupum en við ekkert, það er erfitt að vinna upp fimm mörk á öðrum sviðum gegn liði eins og Fram," sagði Skúli að lokum.
Olís-deild kvenna Mest lesið „Hún reif í mig og hraunaði yfir mig, á Marilegan hátt“ Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Stöðvuðu bardaga alblóðugrar Valgerðar Sport Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Var kennari og þjálfaði karlalið þegar hann stýrði kvennalandsliðinu Fótbolti Aðeins einn löglegur dúkur svo Valur og FH byrja saman í Krikanum Handbolti Fleiri fréttir Ólafur með fjögur mörk í fyrsta sigri Karlskrona Í beinni: Fjölnir - HK | Tekst nýliðunum það sem meisturum FH tókst ekki? Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Sjá meira