Sannir stjórnmálamenn Haraldur Guðmundsson skrifar 5. mars 2014 08:00 Rannsóknarlögreglumennirnir og félagarnir Rustin Cohle og Martin Hart úr þáttunum True Detective hafa farið á kostum í besta sjónvarpsefni ársins. Áhorfendur hafa fengið að fylgjast með lögreglumönnunum rannsaka óhugnanlegt morðmál og mannshvörf. Rannsóknin hefur dregið þá í gegnum gruggug fen Louisiana þar sem þeir leita morðingjans og ákveðin kaflaskil urðu þegar Hart drap viðurstyggilegan hrotta sem þeir grunuðu um ódæðin. Þá voru félagarnir hylltir sem hetjur og næstu árin á eftir lifðu þeir í þeirri trú að málið væri leyst. Ráðherrarnir og félagarnir Sigmundur Davíð Gunnlaugsson og Bjarni Benediktsson hafa í viðtölum í fjölmiðlum séð okkur fyrir næstbesta sjónvarpsefni ársins. Áhorfendur hafa fengið að fylgjast með ráðherrunum ræða og verja stefnumál ríkisstjórnarinnar og kosningaloforð. Viðtölin hafa dregið þá í gegnum gruggug fen íslenskra stjórnmála í leit að útfærslum á stefnumálum og loforðum síðustu alþingiskosninga þegar ákveðin kaflaskil urðu og flokkar þeirra náðu tveggja flokka meirihluta. Þá voru félagarnir hylltir sem hetjur og níu mánuðum síðar virtist kjörtímabilið ætla að verða leikur einn. Ágætis byrjunUm hálfu ári eftir að ríkisstjórnin var mynduð kynntu ráðherrarnir tveir aðgerðaráætlun um höfuðstólslækkun húsnæðislána, stærsta kosningaloforð Framsóknarflokksins. Með henni ætlar ríkisstjórnin að lækka höfuðstól verðtryggðra húsnæðislána og koma á skattaívilnun sem mun gera heimilum sem skulda húsnæðislán kleift að nýta greiðslur sem ella rynnu inn í séreignarsjóði til að greiða inn á lánin. Heildarumfang aðgerðarinnar er metið á um 150 milljarða króna og bankaskattur á að fjármagna skuldalækkunina næstu fjögur árin. Nokkrum vikum síðar þegar árið 2013 var gert upp í Kryddsíld Stöðvar 2 virtist gagnrýni formanna stjórnarandstöðuflokkanna á skuldaleiðréttinguna oft missa marks. Þremur vikum síðar, tíu dögum eftir að við fengum fyrst að kynnast lögreglumönnunum í Louisiana, kynnti sérfræðingahópur ríkisstjórnarinnar um afnám verðtryggingar af neytendalánum tillögur sínar. Tillögurnar voru þá gagnrýndar fyrir að standa ekki við gefin fyrirheit um fullt afnám verðtryggingar. FortíðarþráUm miðjan febrúar, nokkrum dögum áður en Sigmundur og Gísli Marteinn Baldursson rifust um stöðu seðlabankastjóra, innflutning á ostum og hvor þeirra stjórnaði þættinum Sunnudagsmorgni, gagnrýndi ráðherra Seðlabanka Íslands í erindi á Viðskiptaþingi Viðskiptaráðs Íslands. Bankinn hafði að hans mati haldið „óumbeðinn“ í vinnu við greiningu á skuldalækkunaráformum ríkisstjórnarinnar á meðan stjórnin biði eftir greiningu á greiðslujöfnuði Íslands sem óskað hafði verið eftir nokkru áður. Níu dögum síðar tilkynnti fjármála- og efnahagsráðuneytið að lögum um Seðlabankann yrði breytt og staða bankastjóra auglýst. Már Guðmundsson þarf því að sækja um starfið á nýjan leik og bankastjórarnir gætu á endanum orðið þrír, alveg eins og í gamla daga þegar allt var gott og ungt fólk sá áburðarverksmiðjur í hillingum. Nóg er búið að fjalla um þingsályktunartillöguna sem lögð var fram nokkrum dögum síðar um að draga aðildarumsókn Íslands að Evrópusambandinu til baka og áður gefin loforð margra stjórnarliða í þeim efnum. Umsóknin skal dregin til baka enda á gjaldmiðillinn að heita króna en ekki evra og fullveldið á að vernda en ekki kasta á glæ. Þetta stóð allt svart á hvítu á blaðsíðu 152 í skýrslu Hagfræðistofnunar Háskóla Íslands og því engin ástæða fyrir ráðherra fjármála- og efnahagsmála að standa við áður gefin loforð um þjóðaratkvæðagreiðslu á fyrri hluta kjörtímabilsins. Háspenna lífshættaBjarni ítrekaði afstöðu sína til aðildarviðræðnanna í ræðu í Valhöll í síðustu viku. Þar sagði hann einnig að áætlun um afnám gjaldeyrishaftanna hafi verið virkjuð í haust. Niðurstöður þeirrar vinnu eiga vonandi eftir að hleypa smá lífi í stjórnmálin og í ofanálag ættu einungis að vera um þrír mánuðir þangað til skuldaleiðréttingin hefst. Það verður því spennandi að fylgjast með því hvernig mál þróast og ljóst er að ekki eru öll kurl komin til grafar. Besta sjónvarpsefni ársins kveður á mánudaginn þegar Cohle og Hart klára vonandi sín mál en þá taka Sigmundur og Bjarni við, einir í sviðsljósinu, með um þrjú ár eftir af kjörtímabilinu.Markaðshornið er skoðanapistill í Markaðnum, vikulegu fylgiriti Fréttablaðsins um viðskipti og efnahagslíf. Pistillinn birtist í Markaðnum 5. mars 2014. Viltu birta grein á Vísi? Sendu okkur póst. Senda grein Haraldur Guðmundsson Mest lesið Þegar móðir mín kvaddi okkur fyrir einu ári síðan í dag Gísli Hvanndal Jakobsson Skoðun Þegar ómennskan vitnar í lög Bubbi Morthens Skoðun Bóf-ar(ion)? Gunnar Hólmsteinn Ársælsson Skoðun Að hengja prest fyrir biskup, að hengja manneskju fyrir stofnun Hödd Vilhjálmsdóttir Skoðun Framlengjum séreignarleiðina til að vernda heimilin Vilhjálmur Hilmarsson Skoðun Álit Einhverfupaunksins um ABA meðferð og kennslu á Íslandi Sigrún Ósk Stefánsdóttir Skoðun Alzheimer - mennska og mildi Ragnheiður Ríkharðsdóttir Skoðun Ef Trump tapar kosningunum… Jun Þór Morikawa Skoðun Varhugaverð þróun í leikskólamálum Finnbjörn A. Hermannsson,Guðrún Margrét Guðmundsdóttir Skoðun Ómarktæk skoðanakönnun Marinó G. Njálsson Skoðun Skoðun Skoðun Alzheimer - mennska og mildi Ragnheiður Ríkharðsdóttir skrifar Skoðun Lýðheilsa bætt um 64 milljarða Sara Björg Sigurðardóttir skrifar Skoðun Er krónan að valda átökum á milli kynslóða? Guðmundur Ragnarsson skrifar Skoðun Varhugaverð þróun í leikskólamálum Finnbjörn A. Hermannsson,Guðrún Margrét Guðmundsdóttir skrifar Skoðun Bóf-ar(ion)? Gunnar Hólmsteinn Ársælsson skrifar Skoðun Þetta er ekki allt að koma með fjárlagafrumvarpinu Eyjólfur Ármannsson skrifar Skoðun Ómarktæk skoðanakönnun Marinó G. Njálsson skrifar Skoðun Ef Trump tapar kosningunum… Jun Þór Morikawa skrifar Skoðun Viðskiptaþvinganir gegn Ísrael Steinunn Þóra Árnadóttir skrifar Skoðun Áherslur ráðherra skipta máli Heimir Örn Árnason skrifar Skoðun Snúum hjólunum áfram Andrés Ingi Jónsson skrifar Skoðun Búðu til pláss – fyrir öll börn Birna Þórarinsdóttir skrifar Skoðun Davíð Oddsson stendur ekki við eigin ritsjórnarstefnu - Þolir og birtir ekki gagnrýni á eigin skrif Ole Anton Bieltvedt skrifar Skoðun Framlengjum séreignarleiðina til að vernda heimilin Vilhjálmur Hilmarsson skrifar Skoðun Líf án ótta og gjöfin í andlegri vakningu Birna Guðný Björnsdóttir skrifar Skoðun Kenningar úr gildi svo að kirkjan þarf að komast á annað stig Matthildur Björnsdóttir skrifar Skoðun Dansaðu vindur Berglind Ósk Guðmundsdóttir skrifar Skoðun Þessi stórskrítnu norm í óbarnvænu samfélagi Sólveig María Svavarsdóttir skrifar Skoðun Um vaxtahækkanir og verð á hveiti Haukur Skúlason skrifar Skoðun Öryggi byggir á mönnun og launum Jórunn Frímannsdóttir skrifar Skoðun Álit Einhverfupaunksins um ABA meðferð og kennslu á Íslandi Sigrún Ósk Stefánsdóttir skrifar Skoðun Mammon hefur náð lífeyrissjóðum á sitt band Halla Signý Kristjánsdóttir skrifar Skoðun Forgangsorkan verður ekki skert Tinna Traustadóttir skrifar Skoðun Umhyggja - hvað er það? Árný Ingvarsdóttir skrifar Skoðun „Við höfðum öll rangt fyrir okkur“ Hjörtur J. Guðmundsson skrifar Skoðun Akureyrarbær greiðir götu kvennaathvarfs á Akureyri eins og kostur er Ásthildur Sturludóttir skrifar Skoðun Þegar móðir mín kvaddi okkur fyrir einu ári síðan í dag Gísli Hvanndal Jakobsson skrifar Skoðun Íþróttahreyfingin og gerviverktaka Ástþór Jón Ragnheiðarson skrifar Skoðun Tölum um tilfinningar Amanda Ásdís Jóhannsdóttir skrifar Skoðun Óttinn við íslensku rafkrónuna Birna Guðný Björnsdóttir skrifar Sjá meira
Rannsóknarlögreglumennirnir og félagarnir Rustin Cohle og Martin Hart úr þáttunum True Detective hafa farið á kostum í besta sjónvarpsefni ársins. Áhorfendur hafa fengið að fylgjast með lögreglumönnunum rannsaka óhugnanlegt morðmál og mannshvörf. Rannsóknin hefur dregið þá í gegnum gruggug fen Louisiana þar sem þeir leita morðingjans og ákveðin kaflaskil urðu þegar Hart drap viðurstyggilegan hrotta sem þeir grunuðu um ódæðin. Þá voru félagarnir hylltir sem hetjur og næstu árin á eftir lifðu þeir í þeirri trú að málið væri leyst. Ráðherrarnir og félagarnir Sigmundur Davíð Gunnlaugsson og Bjarni Benediktsson hafa í viðtölum í fjölmiðlum séð okkur fyrir næstbesta sjónvarpsefni ársins. Áhorfendur hafa fengið að fylgjast með ráðherrunum ræða og verja stefnumál ríkisstjórnarinnar og kosningaloforð. Viðtölin hafa dregið þá í gegnum gruggug fen íslenskra stjórnmála í leit að útfærslum á stefnumálum og loforðum síðustu alþingiskosninga þegar ákveðin kaflaskil urðu og flokkar þeirra náðu tveggja flokka meirihluta. Þá voru félagarnir hylltir sem hetjur og níu mánuðum síðar virtist kjörtímabilið ætla að verða leikur einn. Ágætis byrjunUm hálfu ári eftir að ríkisstjórnin var mynduð kynntu ráðherrarnir tveir aðgerðaráætlun um höfuðstólslækkun húsnæðislána, stærsta kosningaloforð Framsóknarflokksins. Með henni ætlar ríkisstjórnin að lækka höfuðstól verðtryggðra húsnæðislána og koma á skattaívilnun sem mun gera heimilum sem skulda húsnæðislán kleift að nýta greiðslur sem ella rynnu inn í séreignarsjóði til að greiða inn á lánin. Heildarumfang aðgerðarinnar er metið á um 150 milljarða króna og bankaskattur á að fjármagna skuldalækkunina næstu fjögur árin. Nokkrum vikum síðar þegar árið 2013 var gert upp í Kryddsíld Stöðvar 2 virtist gagnrýni formanna stjórnarandstöðuflokkanna á skuldaleiðréttinguna oft missa marks. Þremur vikum síðar, tíu dögum eftir að við fengum fyrst að kynnast lögreglumönnunum í Louisiana, kynnti sérfræðingahópur ríkisstjórnarinnar um afnám verðtryggingar af neytendalánum tillögur sínar. Tillögurnar voru þá gagnrýndar fyrir að standa ekki við gefin fyrirheit um fullt afnám verðtryggingar. FortíðarþráUm miðjan febrúar, nokkrum dögum áður en Sigmundur og Gísli Marteinn Baldursson rifust um stöðu seðlabankastjóra, innflutning á ostum og hvor þeirra stjórnaði þættinum Sunnudagsmorgni, gagnrýndi ráðherra Seðlabanka Íslands í erindi á Viðskiptaþingi Viðskiptaráðs Íslands. Bankinn hafði að hans mati haldið „óumbeðinn“ í vinnu við greiningu á skuldalækkunaráformum ríkisstjórnarinnar á meðan stjórnin biði eftir greiningu á greiðslujöfnuði Íslands sem óskað hafði verið eftir nokkru áður. Níu dögum síðar tilkynnti fjármála- og efnahagsráðuneytið að lögum um Seðlabankann yrði breytt og staða bankastjóra auglýst. Már Guðmundsson þarf því að sækja um starfið á nýjan leik og bankastjórarnir gætu á endanum orðið þrír, alveg eins og í gamla daga þegar allt var gott og ungt fólk sá áburðarverksmiðjur í hillingum. Nóg er búið að fjalla um þingsályktunartillöguna sem lögð var fram nokkrum dögum síðar um að draga aðildarumsókn Íslands að Evrópusambandinu til baka og áður gefin loforð margra stjórnarliða í þeim efnum. Umsóknin skal dregin til baka enda á gjaldmiðillinn að heita króna en ekki evra og fullveldið á að vernda en ekki kasta á glæ. Þetta stóð allt svart á hvítu á blaðsíðu 152 í skýrslu Hagfræðistofnunar Háskóla Íslands og því engin ástæða fyrir ráðherra fjármála- og efnahagsmála að standa við áður gefin loforð um þjóðaratkvæðagreiðslu á fyrri hluta kjörtímabilsins. Háspenna lífshættaBjarni ítrekaði afstöðu sína til aðildarviðræðnanna í ræðu í Valhöll í síðustu viku. Þar sagði hann einnig að áætlun um afnám gjaldeyrishaftanna hafi verið virkjuð í haust. Niðurstöður þeirrar vinnu eiga vonandi eftir að hleypa smá lífi í stjórnmálin og í ofanálag ættu einungis að vera um þrír mánuðir þangað til skuldaleiðréttingin hefst. Það verður því spennandi að fylgjast með því hvernig mál þróast og ljóst er að ekki eru öll kurl komin til grafar. Besta sjónvarpsefni ársins kveður á mánudaginn þegar Cohle og Hart klára vonandi sín mál en þá taka Sigmundur og Bjarni við, einir í sviðsljósinu, með um þrjú ár eftir af kjörtímabilinu.Markaðshornið er skoðanapistill í Markaðnum, vikulegu fylgiriti Fréttablaðsins um viðskipti og efnahagslíf. Pistillinn birtist í Markaðnum 5. mars 2014.
Skoðun Varhugaverð þróun í leikskólamálum Finnbjörn A. Hermannsson,Guðrún Margrét Guðmundsdóttir skrifar
Skoðun Davíð Oddsson stendur ekki við eigin ritsjórnarstefnu - Þolir og birtir ekki gagnrýni á eigin skrif Ole Anton Bieltvedt skrifar
Skoðun Álit Einhverfupaunksins um ABA meðferð og kennslu á Íslandi Sigrún Ósk Stefánsdóttir skrifar
Skoðun Akureyrarbær greiðir götu kvennaathvarfs á Akureyri eins og kostur er Ásthildur Sturludóttir skrifar