Alþingi kom saman í gærkvöld til að samþykkja frumvarp efnahags- og viðskiptanefndar er miða að því að styðja við fyrirhugaðar aðgerðir stjórnvalda til losunar fjármagnshafta.
Stærstu fjölmiðlar heims á borð við BBC, Reuters og Wall Street Journal hafa fjallað um aðgerðir ríkisstjórnarinnar en boðað hefur verið til blaðamannafundar í Hörpunni klukkan tólf á hádegi. Þar munu Bjarni Benediktsson, fjármála- og efnahagsráðherra, og Sigmundur Davíð Gunnlaugsson forsætisráðherra kynna aðgerðir stjórnvalda.
Iceland set 'to end capital controls' segir í fyrirsögn á BBC. Iceland paves way for lifting of capital controls segir í fyrirsögn á frétt Reuters og Iceland to Speak on Winding Down Capital Controls segir á Wall Street Journal.
Höftin hafa verið við lýði frá falli bankanna í október 2008 eða í tæplega sjö ár.
Blaðamannafundurinn í Hörpu verður í beinni útsendingu á Vísi og hefst klukkan 12.
BBC, Reuters og Wall Street Journal fjalla um höftin
Tengdar fréttir
Vill að Sigmundur útskýri leka í DV
Vill að forsætisráðherra biðji stjórnarandstöðuna afsökunar eftir að hafa sakað hana um að skemma fyrir við afnám hafta.
Gjaldeyrishöftin hert í bili
Alþingi samþykkti í gærkvöldi breytingar á lögum um gjaldeyrishöft. Fyrirbyggjandi aðgerð til að koma í veg fyrir peningaútstreymi áður en afnám hafta hefst.
Lögunum ætlað að mæta hættum sem gætu grafið undan aðgerðum stjórnvalda
Lestu lögin sem voru samþykkt á Alþingi í kvöld og taka gildi þegar í stað.
