Þrjú brasilísk mörk í fyrsta Evrópusigri Stjörnunnar

Kvennalið Stjörnunnar byrjar vel í undanriðli Meistaradeildar Evrópu en Íslandsmeistararnir unnu 4-0 sigur á Hibernians frá Möltu í dag í fyrsta leik liðsins.

Brasilísku stelpurnar Poliana (2 mörk) og Francielle (1 mark) skoruðu báðar í leiknum en þriðja mark Stjörnunnar í leiknum var sjálfsmark.

Guðrún Karítas Sigurðardóttir skoraði síðan fjórða markið aðeins sex mínútum eftir að hafa komið inná í fyrsta Evrópuleiknum sínum.

Stjarnan mætir einnig Apollon frá Kýpur og KÍ frá Færeyjum í riðlinum en liðið sem vinnur riðilinn tryggir sér sæti í 32 liða úrslitum Meistaradeildar Evrópu.

Stjarnan hafði tekið tvisvar þátt í 32 liða úrslitum Meistaradeildarinnar á síðustu árum en hafði ekki unnið Evrópuleik fyrr en í dag.

Ólafur Þór Guðbjörnsson, þjálfari Stjörnunnar, var með fimm erlenda leikmenn í byrjunarliðinu í dag því auk brasilísku markaskoraranna byrjuðu þær Rachel S. Pitman, Ana Victoria Cate og Jaclyn Softli.

Poliana kom Stjörnunni í 1-0 á 20. mínútu eftir stoðsendingu frá Hörpu Þorsteinsdóttur og átta mínútum síðar bætti Francielle við öðru marki.

Charlene Zammit, leikmaður Hibernians, skoraði sjálfsmark á 39. mínútu og Poliana bætti síðan við sínu öðru marki í upphafi seinni hálfleiks eftir sendingu frá fyrirliðanum Ásgerði Stefaníu Baldursdóttur.

Varamaðurinn Guðrún Karítas Sigurðardóttir skoraði síðan fimmta markið á 90. mínútu efrir stoðsendingu frá Rúnu Sif Stefánsdóttur.

Apollon frá Kýpur vann 2-0 sigur á KÍ frá Færeyjum í hinum leik riðilsins en Stjörnustelpur mæta færeyska liðinu næst.