Bandaríska forsetaframbjóðandanum Donald Trump var forðað af sviðinu á kosningafundi í borginni Reno í Nevada-ríki nú í morgun eftir að öryggisverðir heyrðu einhvern hrópa orðið „byssa.“
Engin hætta reyndist á ferðum og steig Trump aftur á svið örfáum mínútum síðar.
Maður sem mætti gagngert á fundinn til að mótmæla Trump segir að stuðningsmenn forsetaframbjóðandans hafi ráðist á hann og hann hrópað: „Ég er ekki með byssu, bara skilti.“
Mikil spenna ríkir í bandarísku forsetakosningunum um þessar mundir. Mjög mjótt er á mununum á milli þeirra Trump og Hillary Clinton í skoðanakönnunum og báðir frambjóðendurnir eru á faraldsfæti um Bandaríkin til að hvetja sem flesta til að mæta á kjörstað í næstu viku.
Trump forðað af sviðinu í Reno
Tengdar fréttir
Forsetaframbjóðendur berjast um Flórída
Hillary Clinton og Donald Trump eru nú bæði stödd í Flórída þar sem mjótt er á mununum á milli þeirra. Trump þarf sigur þar ætli hann sér að verða forseti.
Mikil harka í baráttunni um Hvíta húsið
Donald Trump heldur áfram að kalla Hillary Clinton glæpamann, en hann hefur sótt verulega á í fylgi þessa vikuna í sumum könnunum.
