Áfrýjunardómstóll í Chicago úrskurðaði í dag að Brendan Dassey, sem kom fyrir í þáttunum Making a Murderer, verður ekki sleppt úr haldi.
Ríkissaksóknari í Wisconsin-ríki áfrýjaði fyrr í vikunni dómi þar sem fram kom að Dassey skyldi sleppt, en dómstóll felldi í sumar úr gildi lífstíðardóm yfir Dassey sem dæmdur var fyrir morðið á Teresa Halbach, 25 ára ljósmyndara, árið 2005.
Frændi hins 27 ára Dassey, Steven Avery, situr inni fyrir sama morð, en hann hlaut einnig lífstíðardóm. Dassey var sextán ára á þeim tíma sem Halback var myrt.
Fyrr í vikunni úrskurðaði dómarinn William Duffin að Dassey skyldi sleppt á meðan málið hefði sinn gang í réttarkerfinu, en að eftirlit skyldi haft með honum.
Mál Dassey og Avery hefur vakið gríðarlega athygli eftir sýningu Making a Murderer. Þættirnir voru frumsýndir á Netflix í desember síðastliðnum og hafa vakið heimsathygli.
Dassey verður ekki sleppt
Tengdar fréttir
Lífstíðardómur yfir Brendan Dassey felldur úr gildi
Mál Brendan Dassey var tekið fyrir í þáttaröðinni vinsælu, Making a Murderer.
Beiðni um áfrýjun í máli Steven Avery fyrir dómstóla í lok ágúst
Nýr lögfræðingur segist hafa nýtt vitni og ný sönnunargögn í málinu. Avery sagður bjartsýnn á að losna úr fangelsi.
Dómari úrskurðar að Brendan Dassey skuli tafarlaust sleppt úr haldi
Fjölmiðlar hafa fylgst grannt með máli Dassey og Steven Avery eftir sýningu þáttaráðarinnar Making a Murderer.
