Erlent

Átján slasaðir eftir að flutningabíll ók í veg fyrir lest

Sunna Karen Sigurþórsdóttir skrifar
Flutningabíllinn gjöreyðilagðist.
Flutningabíllinn gjöreyðilagðist. vísir/epa
Átján eru slasaðir eftir að flutningabíll ók yfir lestarteina og í veg fyrir lest skammt frá bænum Ozimek í suðvesturhluta Póllands í dag. Sjö eru taldir alvarlega slasaðir en þeir voru fluttir með þyrlu á næsta sjúkrahús.

Einn vagn lestarinnar fór út af sporinu, en hátt í þrjú hundruð manns voru um borð í henni. Flutningabíllinn gjöreyðilagðist, líkt og meðfylgjandi myndir sýna, en bílstjórann sakaði ekki.

Mikil mildi þykir að bílstjóra flutningabílsins hafi ekki sakað.vísir/epa

Mest lesið


Fleiri fréttir

Sjá meira


×

Mest lesið