Sjálfkeyrandi vagnar styðji við almenningssamgöngurnar

Yfirvöld í Singapúr hafa lýst því yfir að sjálfkeyrandi strætisvagnar verði komnir á göturnar fyrir árið 2022. Fyrstu vagnarnir verði prófaðir í þremur hverfum, þar sem búast við rólegri umferð, á næstunni.

Ætlunin er að sjálfkeyrandi vagnar aðstoði fólk við að komast til og frá lestar- og strætóstöðvum sem og að ferðast um nærumhverfi sitt. Miklar væntingar eru gerðar til vagnana og vona yfirvöld að þeir verði til þess að létta á umferð, auka landnýtingu og sporna við mannauðsskorti borgríkisins. Þeir munu ekki koma í stað hefðbundinna vagna heldur styðja við fyrirliggjandi samgöngur, ekki síst á álagstímum.

„Sjálfkeyrandi bílarnir munu stórlega auka aðgengi að almenningssamgangnakerfinu okkar; ekki síst fyrir aldraða, fjölskyldur með ung börn og þá sem ferðast alla jafna lítið,“ er haft eftir samgönguráðherra Singapúr á vef breska ríkisútvarpsins.

Minnir umferðartafir eru í Singapúr en í mörgum borgum Suðaustur-Asíu sökum vegtolla og regluverks sem hvetur fólk til að nýta sér almenningssamgöngur. Yfirvöld borgríkisins stefna á að Singapúr verði leiðandi í sjálfkeyrandi tækni á næstu árum. Tíu fyrirtæki prófa nú sjálfkeyrandi bíla á götum Singapúr að sögn ráðherrans.