Víða boðað til mótmæla í Rússlandi

Mótmæli hafa verið boðuð víða í Rússlandi í dag í tilefni þess að Vladimír Pútín verður settur í embætti forseta landsins á morgun. Þetta verður hans fjórða kjörtímabil sem forseti. 

Mótmælin eru skipulögð af Alexei Navalny, hörðum andstæðingi Pútín sem var meinað að taka þátt í forsetakosningunum sem fóru fram í mars. 

Hundruðir hafa nú þegar safnast saman í borgum víðsvegar í Rússlandi. Óttast er að mótmælin gætu leitt til átaka í dag. Samkvæmt frétt AFP hefur lögreglan nú þegar handtekiið tugi stuðningsmanna Navalny.