Enski boltinn

Íslenskur markvörður lánaður til úrvalsdeildarfélags í Englandi

Óskar Ófeigur Jónsson skrifar
Rafal Stefán Daníelsson.
Rafal Stefán Daníelsson. Mynd/Heimasíða AFC Bournemouth
Framarinn Rafal Stefán Daníelsson hefur verið lánaður til enska úrvalsdeildarfélagsins AFC Bournemouth en Framarar segja frá þessu á heimasíðu sinni.

Lánssamningur Rafal Stefán er fram á sumar en á meðan á lánstímanum stendur hefur AFC Bournemouth möguleika á því að kaupa Rafal frá Fram.





Rafal er fæddur og uppalinn á Neskaupstað og hóf þar sinn knattspyrnuferil með Fjarðabyggð. Eftir stutta viðkomu á Egilsstöðum flutti hann með fjölskyldu sinni til Reykjavíkur tólf ára gamall og gekk til liðs við Fram.

Rafal hefur verið valinn í úrtakshópa fyrir yngri landslið Íslands og auk þess farið til æfinga hjá erlendum félagsliðum meðal annars Liverpool og Everton.





Rafal er nýorðinn sautján ára gamall hefur verið markvörður 2.flokks og varamarkvörður meistaraflokks Fram undanfarið. Í byrjun janúar á þessu ári bauð AFC Bournemouth honum að koma til Englands til æfinga.

Rafal dvaldi hjá enska úrvalsdeildarfélaginu í nokkra daga og stóð sig með stakri prýði og enska félagið lýsti strax yfir áhuga á að fá hann til liðs við sig. Eftir viðræður milli félaganna er niðurstaðan sú að Rafal gengur til liðs við AFC Bournemouth á láni fram á sumar.

Enski boltinn Pepsi Max-deild karla

Mest lesið


Fleiri fréttir

Sjá meira


×

Mest lesið