Nýsköpun er drifkraftur sjálfbærra lausna Jarþrúður Ásmundsdóttir skrifar 24. maí 2019 12:15 Við sem hér búum njótum þeirra forréttinda að vera í nálægð við ríkar náttúruauðlindir eins og jarðvarma, hrein vatnsból, gjöful fiskimið og stórbrotna náttúru sem laðar til okkar ferðamenn. Það gefur auga leið að í landi allsnægta er auðvelt að sofna á verðinum og koma sér vel fyrir í velgengni ríkjandi ástands. En enginn jarðarbúi getur leyft sér slíkt og til að tryggja kynslóðum framtíðar sömu lífsgæði þarf að grípa inn í. Icelandic Startups brennur fyrir þennan málstað og kom því á fót nýjum viðskiptahraðli sem hefur sjálfbærni að leiðarljósi í samvinnu við Íslenska sjávarklasann. Auglýst var eftir nýjum lausnum á sviði landbúnaðar og sjávarútvegs undir merkjum Til sjávar og sveita. Markmiðið með viðskiptahraðlinum er að auka verðmætasköpun og nýtingu hráefna í þessum rótgrónu greinum. Tíu teymi voru valin úr stórum hópi umsækjenda og eiga þau það öll sameiginlegt að starfa eftir sjálfbærum markmiðum og stemma stigu við sóun. Viðskiptahugmyndir teymanna eru mjög fjölbreyttar og þar kemur ýmislegt áhugavert og afhjúpandi í ljós. Á hverju ári er til að mynda mörg þúsund tonnum af kartöfluflusi fleygt án þess að næring sé unnin úr því og Íslendingar framleiða um 75% af öllum þeim æðardún sem seldur er í heiminum en hann er að mestu seldur hálfunninn úr landi sem hráefni í hágæðavörur sem seljast fyrir háar upphæðir á alþjólegum mörkuðum. Í viðskiptahraðlinum Til sjávar og sveita eru teymi sem hafa ekki aðeins borið kennsl á þessi vandamál heldur fundið lausn á þeim. Einnig má nefna fyrirtækið Beauty by Iceland sem vinnur snyrtivörur úr rótargrænmeti sem ekki mætir útlitsstöðlum stórvörumarkaða. Ljótu kartöflurnar framleiða kartöfluflögur úr hráefni sem ekki ratatar í búðir og Álfur bruggar bjór úr kartöfluafskorningum sem annars væri hent. Íslenskur dúnn fullvinnur æðardún í hágæða vörur og tvöfaldar þannig útflutningsverðmæti hans. Þá framleiðir Urtasjór kolsýrt og steinefnaríkt drykkjarvatn úr sjó. Til að sporna við svikastarfssemi í upprunamerkingum matvæla þróar Arcana Bio háhraðatækni í DNA greiningum fyrir matvælaiðnaðinn. Næsta kynslóð rekjanleika- og upplýsingakerfa sem á nýjan hátt auka skilvirkni og traust í virðiskeðju matvæla er viðfangsefni Tracio. Veiðibækurnar verða færðar af pappírum upp í „skýin“ af fyrirtækinu Öflu, stafrænni veiðbók en þar með fæst í fyrsta sinn heildstæð yfirsýn yfir þá dýrmætu auðlind sem liggur í veiðiám landsins. Stofnendur Feed the Viking vinna þurrkað kjöt og harðfisk og að lokum framleiðir fyrirtækið Pure Natura hágæða íslensk fæðuunnin bætiefni úr lambainnmat og íslenskum jurtum. Þessi fyrirtæki eru ekki bara að auka sjálfbærni og sporna gegn sóun heldur munu þau án efa með tíð og tíma blómstra og mögulega sækja á erlendan markað og leggja þannig sitt lóð á vogaskál aukinnar hagsældar og jafnvægis í íslensku efnahagslífi. Enda er eitt af markmiðunum með viðskiptahröðlum Icelandic Startup að efla nýsköpun og fjölga þannig stoðum undir íslenskt atvinnulíf. Viðskiptahraðallinn Til sjávar og sveita hefði ekki orðið að veruleika nema með stuðningi bakhjarla sem allir eiga það sameiginlegt að brenna líka fyrir sjálfbærni og nýjar lausnir á sviði sjávarútvegs og landbúnaðar. Viðskiptahraðallinn er samstarfsverkefni Icelandic Startups og Íslenska sjávarklasans með stuðningi frá IKEA á Íslandi, HB Granda, Landbúnaðarklasanum og Matarauði Íslands. Á meðan á hraðlinum stóð fengu þátttakendur fyrsta flokks vinnuaðstöðu í Íslenska ferðaklasanum. Þessum aðilum færum við okkar bestu þakkir fyrir gjöfult og gefandi samstarf. Við hjá Icelandic Startups erum stolt af því hvernig til tókst í þessum fyrsta hraðli sinnar tegundar hér á landi og bindum vonir við að hann muni bætast í hóp þeirra viðskiptahraðla sem haldnir eru árlega á vegum fyrirtækisins. Fyrst og fremst erum við þó stolt af frammistöðu teymana sem tóku þátt, þeim árangri sem þau hafa náð og þeim áhrifum sem þau hafa þegar haft á aukna sjálfbærni, minni sóun og aukna verðmætasköpun.Höfundur er viðskiptaþróunarstjóri Icelandic Startups. Viltu birta grein á Vísi? Sendu okkur póst. Senda grein Nýsköpun Tækni Mest lesið Ýmislegt um rafmagnsbíla og reiðhjól Valur Elli Valsson Skoðun Samkennd samfélags Guðrún Karls Helgudóttir Skoðun Þegar móðir mín kvaddi okkur fyrir einu ári síðan í dag Gísli Hvanndal Jakobsson Skoðun Þegar ómennskan vitnar í lög Bubbi Morthens Skoðun Þjóðin slæst við elda: Hvar er Alþingi? Baldur Borgþórsson Skoðun Álit Einhverfupaunksins um ABA meðferð og kennslu á Íslandi Sigrún Ósk Stefánsdóttir Skoðun Góðan daginn, ég ætla að fá … ENGLISH PLEASE! Ólafur Guðsteinn Kristjánsson Skoðun Þeir borga sem nota! Tómas Kristjánsson Skoðun „Við höfðum öll rangt fyrir okkur“ Hjörtur J. Guðmundsson Skoðun Að hjálpa fólki að standa á eigin fótum Jón Þór Kristjánsson Skoðun Skoðun Skoðun Kenningar úr gildi svo að kirkjan þarf að komast á annað stig Matthildur Björnsdóttir skrifar Skoðun Dansaðu vindur Berglind Ósk Guðmundsdóttir skrifar Skoðun Þessi stórskrítnu norm í óbarnvænu samfélagi Sólveig María Svavarsdóttir skrifar Skoðun Um vaxtahækkanir og verð á hveiti Haukur Skúlason skrifar Skoðun Öryggi byggir á mönnun og launum Jórunn Frímannsdóttir skrifar Skoðun Álit Einhverfupaunksins um ABA meðferð og kennslu á Íslandi Sigrún Ósk Stefánsdóttir skrifar Skoðun Mammon hefur náð lífeyrissjóðum á sitt band Halla Signý Kristjánsdóttir skrifar Skoðun Forgangsorkan verður ekki skert Tinna Traustadóttir skrifar Skoðun Umhyggja - hvað er það? Árný Ingvarsdóttir skrifar Skoðun „Við höfðum öll rangt fyrir okkur“ Hjörtur J. Guðmundsson skrifar Skoðun Akureyrarbær greiðir götu kvennaathvarfs á Akureyri eins og kostur er Ásthildur Sturludóttir skrifar Skoðun Þegar móðir mín kvaddi okkur fyrir einu ári síðan í dag Gísli Hvanndal Jakobsson skrifar Skoðun Íþróttahreyfingin og gerviverktaka Ástþór Jón Ragnheiðarson skrifar Skoðun Tölum um tilfinningar Amanda Ásdís Jóhannsdóttir skrifar Skoðun Óttinn við íslensku rafkrónuna Birna Guðný Björnsdóttir skrifar Skoðun Áskorun til Sjúkratrygginga Íslands – hugsum í lausnum Björn Bjarki Þorsteinsson skrifar Skoðun Afnemum launamisrétti Guðmundur Ingi Guðbrandsson skrifar Skoðun Hvað hefur Ísland gert? Katla Þorvaldsdóttir skrifar Skoðun Viðhorf almennings og neytenda til sjálfbærnimála fyrirtækja og stofnana skiptir miklu máli Soffía Sigurgeirsdóttir,Trausti Haraldsson skrifar Skoðun Ýmislegt um rafmagnsbíla og reiðhjól Valur Elli Valsson skrifar Skoðun Taugatýpísk forréttindi Mamiko Dís Ragnarsdóttir skrifar Skoðun Hver er ég og hvert er ég að fara? Ellý Tómasdóttir skrifar Skoðun Þeir borga sem nota! Tómas Kristjánsson skrifar Skoðun Að hjálpa fólki að standa á eigin fótum Jón Þór Kristjánsson skrifar Skoðun Samkennd samfélags Guðrún Karls Helgudóttir skrifar Skoðun „Heimferða- og fylgdadeild“ Eiríkur Rögnvaldsson skrifar Skoðun Til varnar mennsku kúgarans Hans Alexander Margrétarson Hansen skrifar Skoðun Þegar ómennskan vitnar í lög Bubbi Morthens skrifar Skoðun Engum til sóma Sigmar Guðmundsson skrifar Skoðun Góðan daginn, ég ætla að fá … ENGLISH PLEASE! Ólafur Guðsteinn Kristjánsson skrifar Sjá meira
Við sem hér búum njótum þeirra forréttinda að vera í nálægð við ríkar náttúruauðlindir eins og jarðvarma, hrein vatnsból, gjöful fiskimið og stórbrotna náttúru sem laðar til okkar ferðamenn. Það gefur auga leið að í landi allsnægta er auðvelt að sofna á verðinum og koma sér vel fyrir í velgengni ríkjandi ástands. En enginn jarðarbúi getur leyft sér slíkt og til að tryggja kynslóðum framtíðar sömu lífsgæði þarf að grípa inn í. Icelandic Startups brennur fyrir þennan málstað og kom því á fót nýjum viðskiptahraðli sem hefur sjálfbærni að leiðarljósi í samvinnu við Íslenska sjávarklasann. Auglýst var eftir nýjum lausnum á sviði landbúnaðar og sjávarútvegs undir merkjum Til sjávar og sveita. Markmiðið með viðskiptahraðlinum er að auka verðmætasköpun og nýtingu hráefna í þessum rótgrónu greinum. Tíu teymi voru valin úr stórum hópi umsækjenda og eiga þau það öll sameiginlegt að starfa eftir sjálfbærum markmiðum og stemma stigu við sóun. Viðskiptahugmyndir teymanna eru mjög fjölbreyttar og þar kemur ýmislegt áhugavert og afhjúpandi í ljós. Á hverju ári er til að mynda mörg þúsund tonnum af kartöfluflusi fleygt án þess að næring sé unnin úr því og Íslendingar framleiða um 75% af öllum þeim æðardún sem seldur er í heiminum en hann er að mestu seldur hálfunninn úr landi sem hráefni í hágæðavörur sem seljast fyrir háar upphæðir á alþjólegum mörkuðum. Í viðskiptahraðlinum Til sjávar og sveita eru teymi sem hafa ekki aðeins borið kennsl á þessi vandamál heldur fundið lausn á þeim. Einnig má nefna fyrirtækið Beauty by Iceland sem vinnur snyrtivörur úr rótargrænmeti sem ekki mætir útlitsstöðlum stórvörumarkaða. Ljótu kartöflurnar framleiða kartöfluflögur úr hráefni sem ekki ratatar í búðir og Álfur bruggar bjór úr kartöfluafskorningum sem annars væri hent. Íslenskur dúnn fullvinnur æðardún í hágæða vörur og tvöfaldar þannig útflutningsverðmæti hans. Þá framleiðir Urtasjór kolsýrt og steinefnaríkt drykkjarvatn úr sjó. Til að sporna við svikastarfssemi í upprunamerkingum matvæla þróar Arcana Bio háhraðatækni í DNA greiningum fyrir matvælaiðnaðinn. Næsta kynslóð rekjanleika- og upplýsingakerfa sem á nýjan hátt auka skilvirkni og traust í virðiskeðju matvæla er viðfangsefni Tracio. Veiðibækurnar verða færðar af pappírum upp í „skýin“ af fyrirtækinu Öflu, stafrænni veiðbók en þar með fæst í fyrsta sinn heildstæð yfirsýn yfir þá dýrmætu auðlind sem liggur í veiðiám landsins. Stofnendur Feed the Viking vinna þurrkað kjöt og harðfisk og að lokum framleiðir fyrirtækið Pure Natura hágæða íslensk fæðuunnin bætiefni úr lambainnmat og íslenskum jurtum. Þessi fyrirtæki eru ekki bara að auka sjálfbærni og sporna gegn sóun heldur munu þau án efa með tíð og tíma blómstra og mögulega sækja á erlendan markað og leggja þannig sitt lóð á vogaskál aukinnar hagsældar og jafnvægis í íslensku efnahagslífi. Enda er eitt af markmiðunum með viðskiptahröðlum Icelandic Startup að efla nýsköpun og fjölga þannig stoðum undir íslenskt atvinnulíf. Viðskiptahraðallinn Til sjávar og sveita hefði ekki orðið að veruleika nema með stuðningi bakhjarla sem allir eiga það sameiginlegt að brenna líka fyrir sjálfbærni og nýjar lausnir á sviði sjávarútvegs og landbúnaðar. Viðskiptahraðallinn er samstarfsverkefni Icelandic Startups og Íslenska sjávarklasans með stuðningi frá IKEA á Íslandi, HB Granda, Landbúnaðarklasanum og Matarauði Íslands. Á meðan á hraðlinum stóð fengu þátttakendur fyrsta flokks vinnuaðstöðu í Íslenska ferðaklasanum. Þessum aðilum færum við okkar bestu þakkir fyrir gjöfult og gefandi samstarf. Við hjá Icelandic Startups erum stolt af því hvernig til tókst í þessum fyrsta hraðli sinnar tegundar hér á landi og bindum vonir við að hann muni bætast í hóp þeirra viðskiptahraðla sem haldnir eru árlega á vegum fyrirtækisins. Fyrst og fremst erum við þó stolt af frammistöðu teymana sem tóku þátt, þeim árangri sem þau hafa náð og þeim áhrifum sem þau hafa þegar haft á aukna sjálfbærni, minni sóun og aukna verðmætasköpun.Höfundur er viðskiptaþróunarstjóri Icelandic Startups.
Skoðun Álit Einhverfupaunksins um ABA meðferð og kennslu á Íslandi Sigrún Ósk Stefánsdóttir skrifar
Skoðun Akureyrarbær greiðir götu kvennaathvarfs á Akureyri eins og kostur er Ásthildur Sturludóttir skrifar
Skoðun Viðhorf almennings og neytenda til sjálfbærnimála fyrirtækja og stofnana skiptir miklu máli Soffía Sigurgeirsdóttir,Trausti Haraldsson skrifar