Jón Jónsson með óhefðbundna útgáfu af laginu Ó Helga Nótt

Jólaþáttur Gumma Ben og Sóla Hólm var í beinni útsendingu á Stöð 2 í gærkvöldi og má með sanni segja að þátturinn hafi heppnast vel.

Um var að ræða sérstakan jólaþátt þeirra og voru þeir mjög svo gjafmildir í gær þar sem dregnir voru út heppnir gestir í sal sem unnu fjölmörg verðlaun.

Jón Jónsson var gestur í þættinum í gær og fór hann á kostum í settinu eins og vanalega.

Hann átti að taka þátt í Jólahjólinu og fékk það verkefni að syngja lagið Ó Helga Nótt og gerði Jón það með sínum stíl, eins og enginn annar hefur gert í sögunni.

Hér að neðan má sjá flutning Jóns.