Utan­ríkis­ráð­herra Sýr­lands er látinn

Waled al-Muallem, utanríkisráðherra Sýrlands, er látinn, 79 ára að aldri. Frá þessu greinir Al Jazeera og vísar þar í ríkisfjölmiðil Sýrlands.

Muallem hefur gegnt embætti utanríkisráðherra Sýrlands frá árinu 2006 og verið einn nánasti samstarfsmaður og stuðningsmaður forsetans Bashar al-Assad um árabil. Muallem var jafnframt aðstoðarforsætisráðherra í landinu.

Ekki liggur fyrir um orsök andláts Muallem, en vitað var að hann hafi átt við vanheilsu að stríða og glímt við hjartasjúkdóm.

Aljazeera segir frá því að fastlega sé búist er við að aðstoðarutanríkisráðherrann, Faisal Mekdad, muni taka við starfi utanríkisráðherra landsins.