Mikil spenna og mikið skorað í NBA í nótt

Lakers þurftu framlengingu til að landa sigri gegn Detroit Pistons en meistararnir höfðu tapað óvænt fyrir Pistons fyrr á leiktíðinni. Lokatölur í nótt 135-129 þar sem LeBron James og Anthony Davis fóru á fostum. LeBron skoraði 33 stig á meðan Davis skoraði 30. Þá gerði Dennis Schröder 22 stig.

Dallas vann ótrúlegan tveggja stiga sigur á Golden State Warriors, lokatölur 134-132. Luka Doncic fór hamförum í liði Dallas en hann skoraði 42 stig ásamt því að taka 11 fráköst. Steph Curry gerði gott betur en hann skoraði 57 stig í leiknum.

Atlanta Hawks vann 11 stiga sigur á Toronto Raptors, 132-121. Trae Young fór fyrir sínum mönnum í Hawks með 28 stig og 13 stoðsendingar. Chris Boucher var stigahæstur Toronto-manna með 29 stig.

Önnur úrslit

Orlando Magic 92-118

Houston Rockets 106-111 San Antonio Spurs

Cleveland Cavaliers 99-124 Milwaukee Bucks

Philadelphia 76ers 124-108 Brooklyn Nets

Oklahoma City Thunder 120-118 Minnesota Timberwolves

New Orleans Pelicans 118-109 Memphis Grizzlies

NBA er á Stöð 2 Sport en upplýsingar um útsendingar má finna hér. NBA körfuboltinn er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.