Jón Axel skoraði 29 stig í leiknum auk þess að taka 6 fráköst og gefa 5 stoðsendingar. Jón klikkaði á fyrstu fimm skotum sínum í leiknum en hitti síðan úr 9 af síðustu 13 skotum sínum sem er geggjuð hittni.
Jón Axel nýtt sex af tíu þriggja stiga skotum sínum í Prishtina í gær.
Jón Axel bætti sitt persónulega stigamet með landsliðinu um fimm stig og var á endanum aðeins einu stigi frá því að jafna við föður sinn.
Jón Axel hafði mest áður skorað 24 stig í einum landsleik en það var á móti Andorra á Smáþjóðaleikunum í San Marínó árið 2017. Þriðji tuttugu stiga leikur Jóns Axels er síðan á móti Portúgal í undankeppni EM 2019.
Guðmundur Bragason, faðir Jóns Axels, á landsleikjametið en hann skoraði mest 30 stig í einum landsleik á sínum landsleikjaferli.
Guðmundur setti sitt persónulega met á móti Englendingum í Keflavík 27. desember 1994 en Guðmundur skoraði þá 30 stig í 105-101 sigri í vináttuleik þjóðanna.
Guðmundur skoraði mest 27 stig í leik í keppni en það var á móti Noregi í undanriðli EM 4. maí 1991. Jón Axel er því kominn fram úr föður sínum á þeim lista.
Flest stig feðganna í einum A-landsleik:
- 30 stig - Guðmundur Bragason á móti Englandi 1994
- 29 stig - Jón Axel Guðmundsson á móti Slóvakíu 2021
- 27 stig - Guðmundur Bragason á móti Noregi 1991
- 27 stig - Guðmundur Bragason á móti Noregi 1998
- 26 stig - Guðmundur Bragason á móti Austurríki 1993
- 26 stig - Guðmundur Bragason á móti San Marínó 1995
- 26 stig - Guðmundur Bragason á móti Eistlandi 1995
- 26 stig - Guðmundur Bragason á móti Svíþjóð 1996
- 25 stig - Guðmundur Bragason á móti San Marínó 1993
- 25 stig - Guðmundur Bragason á móti Lettlandi 1996
- 24 stig - Jón Axel Guðmundsson á móti Andorra 2017
- 24 stig - Guðmundur Bragason á móti Kýpur 19988
- 24 stig - Guðmundur Bragason á móti Englandi 1994
