Fram­lengja opnunar­tímann í tveimur verslunum til við­bótar

Frá þessu segir í tilkynningu frá Bónus, en eftir breytingu verður opið í Bónusverslunum á Selfossi og Fitjum milli 20 og 20. Þá sé verið að skoða hvort lengja eigi afgreiðslutíma fleiri verslana.

Áður hafði verið tilkynnt um lengri opnunartíma, milli 10 og 20 á Smáratorgi, í Skeifunni, Spönginni, á Fiskislóð, að Helluhrauni, í Mosfellsbæ, að Fitjum, á Selfossi og Langholti á Akureyri.

Í tilkynningunni er haft eftir Baldri Ólafssyni, markaðsstjóra Bónus, að viðtökur í þeim verslunum þar sem afgreiðslutími hafi verið lengdur hafi farið fram úr björtustu vonum og því sé stigið það skref að lengja afgreiðslutíma strax í tveimur verslunum til viðbótar, það er á Selfossi og á Fitjum í Reykjanesbæ. Segir hann að viðtökurnar hafi alls staðar verið góðar, en Bónus í Spönginni hafi verið séstaklega vinsæl að kvöldi til.

„Lengri afgreiðslutími hjálpar okkur að draga úr matarsóun þar sem við höfum meiri tíma innan hvers dags til að koma út vörum sem eru viðkvæmar, eins og ávöxtum og grænmeti en lykillinn að lágu verði fyrir okkar viðskiptavini felst m.a. í því að hafa mikinn aga á því að draga úr hverskonar sóun í okkar verslunum,“ segir Baldur.