Sneri aftur eftir kórónuveirusmit og skoraði 38 stig í sigri á Lakers

DeMar DeRozan mætti aftur á móti hress og kátur eftir tveggja vikna fjarveru vegna kórónuveirusmits. Hann skoraði 38 stig fyrir Chicago Bulls í 115-110 sigri á Los Angeles Lakers. Nikola Vucevic skorðai 19 stig og tók 13 fráköst fyrir Bulls og Lonzo Ball var með 19 stig.

Bulls liðið er að braggast eftir að misst tíu leikmenn um tíma í smit en tveimur leikjum liðsins var frestað vegna þessa í síðustu viku. Lykilmaðurinn Zach LaVine var samt einn af fjórum mönnum sem eru enn fjarverandi.

LeBron James var með 31 stig, 14 fráköst og 6 stoðsendingar hjá Lakers en hitti aðeins úr 1 af 7 þriggja stiga skotum. Carmelo Anthony skoraði 21 stig og Russell Westbrook var með 20 stig, 9 fráköst og 8 stoðsendingar en líka 6 tapaða bolta.

Los Angeles Lakers tapaði sínum öðrum leik í röð en að þessu sinni voru þeir án aðalþjálfarans Frank Vogel sem er smitaður. Liðið lék líka án sex leikmanna því Kent Bazemore, Avery Bradley, Talen Horton-Tucker. Dwight Howard, Malik Monk og Austin Reaves eru allir með veiruna.

Þetta var fyrsti leikur liðsins eftir að Lakers menn misstu Anthony Davis í meiðsli sem missir af leikjum liðsins næstu fjórar vikur hið minnsta.

Lakers var einu stigi yfir þegar mínúta var eftir en DeMar DeRozan kom Bulls í 111-110 þegar 52 sekúndur voru eftir. Lakers skoraði ekki eftir það og Chicago kláraði leikinn á vítalínunni.

Devin Booker mætti á ný í lið Phoenix Suns sem vann 137-106 stórsigur á Charlotte Hornets. Booker skoraði 16 stig í sínum fyrsta leik eftir sjö leikja fjarveru vegna tognunnar aftan í læri.

Deandre Ayton var með 15 stig og 15 fráköst og Javale McGee kom með 19 stig á 16 mínútum af bekknum. Stigaskorið dreifðist hjá besta liði deildarinnar.

Mikal Bridges skoraði 16 stig, Landry Shamet var með 15 stig, þeir Jae Crowder og Chris Paul skoruðu báðir 14 stig, Cam Johnson var með 12 stig og Cameron Payne skoraði 11 stig. Níu leikmenn með ellefu stig eða meira sem hafði ekki gerst hjá Phoenix Suns síðan 1991.

Doug Christie stýrði liði Sacramento Kings í 121-114 sigri á San Antonio Spurs en aðalþjálfarinn Alvin Gentry er með veiruna. Buddy Hield skoraði 18 af 29 stigum sínum í fjórða leikhluta og var alls með sjö þrista í leiknum. Tyrese Haliburton var síðan með 27 stig og 11 stoðsendingar og þá skoraði Damian Jones 23 stig. Hield var rosalegur í lokin og alls með 24 stig á síðustu fimmtán mínútunum.

Luka Doncic var ekki með Dallas Mavericks sem tapaði 111-105 á móti innesota Timberwolves og missti Kristaps Porzingis líka meiddan af velli í þriðja leikhluta. Karl-Anthony Towns skoraði 24 stig fyrir Úlfana og D'Angelo Russell var með 22 stig. Tim Hardaway Jr. skoraði 28 stig fyrir Dallas.