Jafnræði var með liðunum í upphafi leiks, en gestirnir frá Frankfurt tóku völdin í öðrum leikhluta. Þar skoruðu gestirnir 23 stig gegn aðeins 14 stigum heimamanna og staðan var 31-44, Frankfurt í vil, þegar flautað var til hálfleiks.
Sóknarleikur Crailsheim Merlins gekk áfram illa í þriðja leikhluta og gestirnir juku forskot sitt. Þrátt fyrir góðan lokaleikhluta heimamanna dugði það ekki til og botnliðið fagnaði að lokum 11 stiga sigri, 70-81.
Jón Axel kom lítið við sögu í liði heimamanna. Hann spilaði rétt tæpar þrjár mínútur og tók tvö fráköst. Crailsheim Merlins situr í áttunda sæti deildarinnar með 32 stig og er í harðri baráttu um að tryggja sér sæti í úrslitakeppni deildarinnar.