Verðlaunagripurinn seldur og ágóðinn notaður til að kaupa þrjá dróna

Kristalshljóðneminn var boðinn upp á Facebook en hljómsveitin stóð á sama tíma fyrir tónleikum við Brandenborgarhliðið í Berlín, þar sem safnað var fyrir hjálpargögnum.

Á tónleikunum biðlaði Oleh Psiuk, forsprakki sveitarinnar, til fólks um að venjast ekki stríðinu og sagði að það ætti að rata á forsíður allra blaða þar til það væri yfirstaðið.

Samkvæmt Sameinuðu þjóðunum hafa að minnsta kosti 4.000 almennir borgara látist frá því að innrás Rússa hófst og 4.700 særst. Þá eru 14 milljónir taldar hafa flúið heimili sín en heilu borgirnar hafa verið lagðar í rúst í átökunum.