Lífs­líkur Banda­ríkja­manna ekki verið lægri í 25 ár

Árið 2019 var meðalævilengd Bandaríkjamanna 79 ár og lækkar því um tæplega þrjú ár á þremur árum. Samkvæmt tölum frá Sóttvarnarstofnun Bandaríkjanna er það Covid-19 faraldurinn sem útskýrir um helming lækkunarinnar. Rúmlega milljón manns hafa látið lífið í Bandaríkjunum vegna veirunnar síðan faraldurinn hófst. 

Lífslíkur innfæddra í Bandaríkjunum eru þær sem lækka mest á milli ára og hafa fallið um 6,6 prósent síðan árið 2019. Meðalævilengd þeirra sem búa í Hawaii-ríki er hæst, 80,7 ár, og lægst í Mississippi-ríki, 71,9 ár.

Meðalævilengd íslenskra karlmanna er 81,2 ár en kvenna 84,3 þrjú ár miðað við tölur Hagstofu frá því í fyrra.