Fær hótelnætur endurgreiddar eftir höfnun í móttökunni Atli Ísleifsson skrifar 25. október 2022 11:33 Kærinefndin gaf lítið fyrir málflutning hótelfyrirtækisins. Myndin er úr safni og tengist fréttinni ekki beint. Vísir/Vilhelm Fyrirtæki sem rekur hótel hérlendis hefur verið gert að endurgreiða viðskiptavini sínum andvirði fjögurra hótelnótta eftir að hafa meinað honum að dvelja á hótelinu þegar hann mætti til dvalarinnar. Fyrirtækið vísaði þar til þess að upplýsingar hefðu borist um að viðskiptavinurinn væri með Covid-19. Þetta kemur fram í nýjum úrskurði kærunefndar vöru- og þjónustukaupa. Þarf fyrirtækið að endurgreiða manninum 341,95 evrur, um 49 þúsund krónur. Maðurinn hafði þann 5. mars síðastliðinn bókað gistingu í gegnum ónefnda bókunarsíðu á netinu í fjórar nætur, frá 6. til 10. mars 2022. Hann greiddi fyrirfram 341,95 evrur fyrir þjónustuna en um var að ræða svokallaða óafturkræfa eða „nonrefundable“ bókun. Öllum takmörkunum stjórnvalda vegna faraldursins hafði við aflétt á þessum tímapunkti. Var vísað frá við komu Í úrskurðinum kemur fram að manninum hafi verið tjáð þegar hann mætti á hótelið að hann gæti ekki dvalið þar sökum þess að fyrirtækið hefði þá vitneskju um að hann hefði greinst með Covid-19. Ekki er tekið fram hvernig fyrirtækið komst yfir þær upplýsingar. Maðurinn hafði þá óskað eftir endurgreiðslu, en fyrirtækið hafnað slíku og þess í stað boðið honum inneign til notkunar síðar hjá fyrirtækinu á næstu tólf mánuðum. Maðurinn rak það fyrir nefndinni að fyrirtækið hafi ekki veitt honum þá þjónustu sem samið hafi verið um og lagði hann áherslu á að á þessum tíma hafi öllum takmörkunum á Íslandi vegna Covid-19 verið aflétt. Málið hafi haft í för með sér mikið óhagræði fyrir manninn enda hafi hótelið ekki upplýst hann um ákvörðunina fyrr en við komu á hótelið. Því hafi hann þurft að finna aðra gistingu og leggja út frekari kostnað. Taldi sig vera í rétti Hótelið vísaði hins vegar til þess að bókun mannsins hafi verið gerð degi fyrir komu. Hótelið hafi heldur ekki verið á lista Ferðamálastofu yfir gististaði sem væru tilbúnir að taka á móti Covid-veikum einstaklingum. Hótelið hafi því talið sig vera í rétti til að hafna því að taka á móti Covid-veikum til að vernda heilsu annarra gesta. Sömuleiðis taldi fyrirtækið að sökum þess að langt hafi verið liðið frá því að kórónuveirufaraldurinn hafi hafist eigi ákvæði skilmála bókunarfyrirtækisins um force majeure og endurgreiðslur ekki við í málinu. Fyrirtækið hafi þó viljað koma til móts við manninn með inneignarnótu, að því gefnu að maðurinn afpanti hina umþrættu gistingu inn á bókunarvefnum án kröfu um endurgreiðslu. Tóku rök hótelsins ekki til greina Maðurinn og hótelið deildu ekki um orðalagið um „óafturkræfa“ greiðslu. Þau greindu hins vegar á um hvort hótelinu hafi verið heimilt að synja því að veita manninum vegna Covid-19 sýkingar sem og að hafna því að endurgreiða sóknaraðila með vísan til þess að um óafturkræfa bókun hafi verið að ræða. Í niðurstöðukafla úrskurðarins segir að á þeim tíma sem maðurinn átti pantaða gistingu hafi verið búið að breyta reglum þannig að engar kröfur voru gerðar um einangrun eða sóttkví einstaklinga smitaða af Covid-19. „Verður því ekki annað séð en að varnaraðila hafi verið fært að efna sinn hluta samningsins sem fólst í því að veita sóknaraðila gistiþjónustu,“ segir í úrskurðinum. Nefndin tók önnur rök fyrirtækisins heldur ekki til greina. Neytendur Ferðamennska á Íslandi Mest lesið Skuldar félagi Einars 44 milljónir og gæti misst 295 milljóna hús Viðskipti innlent Fegurð er glæpur kom út í mínus Viðskipti innlent „Alls konar fólk heyrt í mér um alls konar hluti“ Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf Segir engar breytingar hafa verið gerðar á uppskrift SS pylsna Neytendur Þrjár verslanir í Múlunum sektaðar eftir rassíu Neytendastofu Neytendur Tupperware lýsir yfir gjaldþroti Viðskipti erlent Stýrivextir lækkaðir í Bandaríkjunum í fyrsta sinn í fjögur ár Viðskipti erlent Útlit fyrir frekari verðhækkanir á kaffimarkaði Neytendur Nýtt trend: Engir yfirmenn á vinnustaðnum Atvinnulíf Fleiri fréttir Segir engar breytingar hafa verið gerðar á uppskrift SS pylsna Útlit fyrir frekari verðhækkanir á kaffimarkaði Þrjár verslanir í Múlunum sektaðar eftir rassíu Neytendastofu Þetta kostar skyndibiti á Íslandi Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Blekking við neytendur eða leið til að halda „þægilegri verðpunkti“? Óttast að raforkuverð fjórfaldist án inngrips Réttur og öryggi leigjenda aukast á sunnudaginn Mótmæla samráðsummælum Breka og segja þau „haldlaus“ Verslanir hafi haft með sér „þögult samkomulag“ um verð Prís hrærir í pottinum: „Ekkert of langt gengið að kalla þetta verðstríð“ Verðlag á matvöru lækkar í fyrsta sinn frá því í mars Kaupum meira og meira þrátt fyrir mikla verðbólgu Reiknar með því að Bónus sjái Prís sem áskorun Lágvöruverðsverslunin Prís opnar í dag Temu kaupin getu hæglega orðið að fíkn Verðstríð að hefjast á matvörumarkaði Sleppur við sektir eftir auglýsingu um hundrað prósent lán Orðrómur um Appelsín ósannur Sjá meira
Þetta kemur fram í nýjum úrskurði kærunefndar vöru- og þjónustukaupa. Þarf fyrirtækið að endurgreiða manninum 341,95 evrur, um 49 þúsund krónur. Maðurinn hafði þann 5. mars síðastliðinn bókað gistingu í gegnum ónefnda bókunarsíðu á netinu í fjórar nætur, frá 6. til 10. mars 2022. Hann greiddi fyrirfram 341,95 evrur fyrir þjónustuna en um var að ræða svokallaða óafturkræfa eða „nonrefundable“ bókun. Öllum takmörkunum stjórnvalda vegna faraldursins hafði við aflétt á þessum tímapunkti. Var vísað frá við komu Í úrskurðinum kemur fram að manninum hafi verið tjáð þegar hann mætti á hótelið að hann gæti ekki dvalið þar sökum þess að fyrirtækið hefði þá vitneskju um að hann hefði greinst með Covid-19. Ekki er tekið fram hvernig fyrirtækið komst yfir þær upplýsingar. Maðurinn hafði þá óskað eftir endurgreiðslu, en fyrirtækið hafnað slíku og þess í stað boðið honum inneign til notkunar síðar hjá fyrirtækinu á næstu tólf mánuðum. Maðurinn rak það fyrir nefndinni að fyrirtækið hafi ekki veitt honum þá þjónustu sem samið hafi verið um og lagði hann áherslu á að á þessum tíma hafi öllum takmörkunum á Íslandi vegna Covid-19 verið aflétt. Málið hafi haft í för með sér mikið óhagræði fyrir manninn enda hafi hótelið ekki upplýst hann um ákvörðunina fyrr en við komu á hótelið. Því hafi hann þurft að finna aðra gistingu og leggja út frekari kostnað. Taldi sig vera í rétti Hótelið vísaði hins vegar til þess að bókun mannsins hafi verið gerð degi fyrir komu. Hótelið hafi heldur ekki verið á lista Ferðamálastofu yfir gististaði sem væru tilbúnir að taka á móti Covid-veikum einstaklingum. Hótelið hafi því talið sig vera í rétti til að hafna því að taka á móti Covid-veikum til að vernda heilsu annarra gesta. Sömuleiðis taldi fyrirtækið að sökum þess að langt hafi verið liðið frá því að kórónuveirufaraldurinn hafi hafist eigi ákvæði skilmála bókunarfyrirtækisins um force majeure og endurgreiðslur ekki við í málinu. Fyrirtækið hafi þó viljað koma til móts við manninn með inneignarnótu, að því gefnu að maðurinn afpanti hina umþrættu gistingu inn á bókunarvefnum án kröfu um endurgreiðslu. Tóku rök hótelsins ekki til greina Maðurinn og hótelið deildu ekki um orðalagið um „óafturkræfa“ greiðslu. Þau greindu hins vegar á um hvort hótelinu hafi verið heimilt að synja því að veita manninum vegna Covid-19 sýkingar sem og að hafna því að endurgreiða sóknaraðila með vísan til þess að um óafturkræfa bókun hafi verið að ræða. Í niðurstöðukafla úrskurðarins segir að á þeim tíma sem maðurinn átti pantaða gistingu hafi verið búið að breyta reglum þannig að engar kröfur voru gerðar um einangrun eða sóttkví einstaklinga smitaða af Covid-19. „Verður því ekki annað séð en að varnaraðila hafi verið fært að efna sinn hluta samningsins sem fólst í því að veita sóknaraðila gistiþjónustu,“ segir í úrskurðinum. Nefndin tók önnur rök fyrirtækisins heldur ekki til greina.
Neytendur Ferðamennska á Íslandi Mest lesið Skuldar félagi Einars 44 milljónir og gæti misst 295 milljóna hús Viðskipti innlent Fegurð er glæpur kom út í mínus Viðskipti innlent „Alls konar fólk heyrt í mér um alls konar hluti“ Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf Segir engar breytingar hafa verið gerðar á uppskrift SS pylsna Neytendur Þrjár verslanir í Múlunum sektaðar eftir rassíu Neytendastofu Neytendur Tupperware lýsir yfir gjaldþroti Viðskipti erlent Stýrivextir lækkaðir í Bandaríkjunum í fyrsta sinn í fjögur ár Viðskipti erlent Útlit fyrir frekari verðhækkanir á kaffimarkaði Neytendur Nýtt trend: Engir yfirmenn á vinnustaðnum Atvinnulíf Fleiri fréttir Segir engar breytingar hafa verið gerðar á uppskrift SS pylsna Útlit fyrir frekari verðhækkanir á kaffimarkaði Þrjár verslanir í Múlunum sektaðar eftir rassíu Neytendastofu Þetta kostar skyndibiti á Íslandi Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Blekking við neytendur eða leið til að halda „þægilegri verðpunkti“? Óttast að raforkuverð fjórfaldist án inngrips Réttur og öryggi leigjenda aukast á sunnudaginn Mótmæla samráðsummælum Breka og segja þau „haldlaus“ Verslanir hafi haft með sér „þögult samkomulag“ um verð Prís hrærir í pottinum: „Ekkert of langt gengið að kalla þetta verðstríð“ Verðlag á matvöru lækkar í fyrsta sinn frá því í mars Kaupum meira og meira þrátt fyrir mikla verðbólgu Reiknar með því að Bónus sjái Prís sem áskorun Lágvöruverðsverslunin Prís opnar í dag Temu kaupin getu hæglega orðið að fíkn Verðstríð að hefjast á matvörumarkaði Sleppur við sektir eftir auglýsingu um hundrað prósent lán Orðrómur um Appelsín ósannur Sjá meira