Varð í gær stoðsendingahæsti varnarmaður ensku úrvalsdeildarinnar frá upphafi

Liverpool vann 1-3 sigur á Aston Villa í Birmingham á öðrum degi jóla. Andrew Robertson lagði upp jöfnunarmark Liverpool sem Mohamed Salah skoraði. Þetta var 54 stoðsending Andrew Robertson í ensku úrvalsdeildinni og er hann stoðsendingahæsti varnarmaðurinn frá upphafi. 

Andrew Robertson tók metið af Leighton Baines sem gaf 53 stoðsendingar í 420 leikjum með Everton. Það tók Andrew Robertson 231 leik að gefa 54 stoðsendingar sem var 189 leikjum minna en Leighton Baines spilaði. 

Aðeins níu varnarmenn hafa gefið 35 stoðsendingar eða meira í ensku úrvalsdeildinni.

Trent Alexander-Arnold er ekki langt á eftir liðsfélaga sínum Andrew Robertson. Trent er í þriðja sæti yfir stoðsendingahæstu varnarmenn ensku úrvalsdeildarinnar. Trent hefur gefið 45 stoðsendingar í 176 leikjum. Trent hefur gefið einni stoðsendingu meira en Graeme Le Saux sem á 327 leiki í efstu deild á Englandi.