Hjálmar kallaður inn í hópinn fyrir leikina gegn Spáni og Georgíu

Leikirnir tveir eru lokahnykkur undankeppninnar en Ísland er sem stendur í 4. sæti af 6 liðum í L-riðli. Efstu þrjú lið riðilsins komast á HM sem fram fer í Filippseyjum síðar á þessu ári.

Ísland mætir Spáni á heimavelli þann 23. febrúar áður en liðið ferðast til Georgíu og spilar gegn heimamönnum þann 26. febrúar.

Upphaflega innihélt hópurinn 15 leikmenn en nú hefur Hjálmar bæst við sem sextándi maður. Aðeins er þó heimilt að skrá 12 leikmenn á skýrslu í hverjum leik.

Hjálmar á að baki 18 A-landsleiki.