„Seiglan og trúin sem liðið hafði var mögnuð“

„Þetta var ekki auðvelt. Þetta er aldrei auðvelt eftir að þú vinnur bikar og fagnar því því svo þarftu að koma þér aftur í rútínu. Það var okkar verkefni seinustu daga og við fundum leið til að vinna,“ sagði Hollendingurinn eftir sigur liðsins, en United fagnaði sigri í enska deildarbikarnum um seinustu helgi.

„Seiglan og trúin sem liðið hafði var mögnuð.“

Eins og áður segir lenti United undir í leiknum í kvöld, en vann sig aftur inn í leikinn. Það var svo hinn 18 ára gamli Alejandro Garnacho sem kom liðinu í forystu undir lok venjulegs leiktíma.

„Þetta var frábært mark og maður sá að hann vann sig jafnt og þétt inn í leikinn og tók menn á. Þeir áttu í erfiðleikum með að stöðva hann og hann ógnaði mikið.“

„Þetta var frábært mark, en ég held að það hafi verið uppsetningin seinustu 30 mínúturnar sem skilaði þessu. Ég hafði það á tilfinningunni að við gætum unnið leikinn og maður sá trúna í augum leikmanna og að þeir héldu ró sinni.“