Arsenal kom til baka og vann sinn fyrsta titil í fjögur ár

Það voru þó Chelsea-konur sem náðu forystunni þegar Sam Kerr skoraði með skalla strax á annarri mínútu leiksins, en Stina Blackstenius jafnaði metin fyrir Skytturnar tæpum stundarfjórðungi síðar.

Kim Little kom Arsenal svo í forystu með marki af vítapunktinum á 21. mínútu áður en Niamh Charles varð fyrir því óláni að setja boltann í eigið net í uppbótartíma fyrri hálfleiks og þar við sat.

Niðurstaðan varð því 3-1 sigur Arsenal og enski deildarbikarinn þeirra. Þetta var fyrsti titill liðsins síðan árið 2019 og sá fyrsti í stjóratíð Jonas Eidevall.