Enn vermir lands­liðs­mark­vörður Ís­lands bekkinn hjá Car­diff

Cardiff sótti Arnór Sigurðsson og félaga í Blackburn heim í dag þar sem Blackburn fór með 1-0 sigur af hólmi. Arnór var í byrjunarliði Blackburn en var skipt af velli á 65. mínútu. Hann hefur farið vel af stað með liðinu og skorað þrjú mörk í fimm leikjum.

Rúnar, sem fæddur er árið 1995, hefur verið samningsbundinn Arsenal síðan 2020. Hann var á láni í Tyrklandi í fyrra hjá Alanyaspor og þótti standa sig vel og tímabilið þar áður hjá Leuven í Belgíu. 

Í viðtali við Stöð 2 Sport fyrir síðasta landsleikjahlé sagði Rúnar að það tæki vissulega á fyrir markmann að fá engin tækifæri til að sanna sig, en honum liði vel í Cardiff og fjölskyldan væri ánægð. Það væru margir leikir í ensku B-deildinni sem og bikarleikir og hann væri alls ekki búinn að missa trúna.