Samstaða um Gasa á Alþingi en pattstaða í átökum Heimir Már Pétursson skrifar 8. nóvember 2023 19:22 Palestínsk fjölskylda flýr frá Gasaborg. AP/Abed Khaled Fulltrúar stjórnar- og stjórnarandstöðu náðu óvænt í dag samkomulagi um sameiginlega ályktun vegna átakanna á Gasaströndinni. Utanríkisráðherrar sjö helstu iðnríkja heims kalla eftir að Gasa verði áfram undir stjórn Palestínumanna en án Hamas. Þórhildur Sunna Ævarsdóttir þingflokksformaður Pírata kvað sér hljóðs undir liðnum um fundarstjórn forseta í upphafi þingfundar í dag. „Fram er komin tillaga frá utanríkismálanefnd allri sem sameinar alla flokka. Í skýrri tillögu sem er auðvitað ekki 100 prósent eins og ég hefði orðað hana sjálf. En mikilvæg málamiðlun, sem sendir mikilvæg og skýr skilaboð til bæði ráðherra og alþjóðasamfélagsins um stöðuna og afstöðu verði hún samþykkt,” sagði Þórhildur Sunna. Hún dró síðan þingsályktunartillögu Pírata til baka og það Gerði Sigmar Guðmundsson fulltrúi Viðreisnar í utanríkismálanefnd einnig. Viðurkennir að málið hafi reynst erfitt Katrín Jakobsdóttir forsætisráðherra viðurkennir að málið hafi reynst ríkisstjórninni erfitt eftir hjásetu Íslands við tillögu Jórdaníu hjá Sameinuðu þjóðunum um vopnahlé. Íslensk stjórnvöld hafi þó talað skýrt um þörf á tafarlausu vopnahléi og mikilvægi þess að alþjóða- og mannúðarlög væru virt. Eftir atburði síðustu vikna hafi íslensk stjórnvöld einnig tekið undir þá kröfu að atburðir á Gaza verði rannsakaðir. „Hvort þar hafi verið um brot á alþjóðalögum að ræða að hálfu ísraelskra stjórnvalda. Þannig að fyrir þessu höfum við talað en vissulega greindi okkur á um afstöðuna í þeirri atkvæðagreiðslu sem hefur verið hvað mest til umræðu.” Og samskiptin kannski ekki nógu góð á milli forsætis- og utanríkisráðuneytisins fyrir þessa atkvæðagreiðslu? „Nei, nei og ég held að það skrifist á ráðuneytin okkar að þar hefði eitthvað getað betur farið.” Katrín fagnar hins vegar því samkomulagi sem náðst hefur í utanríkismálanefnd. Þetta mál gæti vel verið erfitt fyrir einstaka félaga í Vinstri grænum og öðrum flokkum. „En það skiptir engu máli í samanburði við þá atburði sem eru að eiga sér stað fyrir botni Miðjarðarhafs. Þær þjáningar sem við höfum séð þar. Fyrst eftir árás Hamassamtakanna og síðan í þeim viðbrögðum sem hafa fylgt að hálfu ísraelskra stjórnvalda með tilheyrandi mannfalli óbreyttra borgara. Við verðum auðvitað að muna að það er stóra málið,” segir Katrín. Kalla eftir hléi Utanríkisráðherrar sjö helstu iðnríkja heims, G7, ályktuðu einnig um átökin á Gasa á fundi í Tokyo í dag. Gera þyrfti hlé á átökum til að koma hjálpargögnum til íbúa Gasa og til framtíðar væri tveggja ríkja lausn eina sanngjarna niðurstaðan. Varanlegt vopnahlé væri þó ekki raunhæft á meðan Hamas hefði rúmlega 200 manns í gíslingu. Antony Blinken utanríkisráðherra Bandaríkjanna sagði eftir G7 fundinn að þeir sem kölluðu eftir skilyrðislausu vopnahléi án þess að gíslunum yrði sleppt úr haldi yrðu að útskýra afleiðingarnar. Hamas hefði hótað því að endurtaka aftur og aftur sams konar árásir og liðsmenn þeirra gerðu hinn 7. október. „Bandaríkin telja það lykilatriði að ekki verði um neina nauðungarflutninga Palestínumanna frá Gasa að ræða. Ekki núna og ekki eftir stríðið. Gasasvæðið verði ekki notað til hryðjuverkárása eða annars ofbeldis. Engin herseta verði á Gasasvæðinu eftir að átökunum linnir. Engar tilraunir til að setja Gasasvæðið í herkví. Engar skerðingar á landsvæði Gasa,“ sagði Blinken. Alþingi Átök í Ísrael og Palestínu Ísrael Palestína Utanríkismál Tengdar fréttir Náðu saman með ályktun um vopnahlé Utanríkismálanefnd komst að samkomulagi um tillögu að þingsályktun á fundi sínum í morgun sem snertir á kröfu um vopnahlé á Gasa, fordæmingu á hryðjuverkum Hamas-samtakanna í Ísrael og fordæmingu á verknaði Ísraelsstjórnar í kjölfarið. Tillagan verður tekin fyrir á þinginu á morgun. 8. nóvember 2023 14:06 Mikill meirihluti landsmanna óánægður með ákvörðunina Sjö af hverjum tíu Íslendingum eru ósáttir við hvernig Ísland ráðstafaði atkvæði sínu í atkvæðagreiðslu um þingsályktunartillögu á þingi Sameinuðu þjóðanna um vopnahlé á Gasaströndinni. Þetta kemur fram í nýrri könnun Maskínu. Konur eru mun óánægðari en karlar. Þá er mestur stuðningur við ákvörðun Íslands hjá kjósendum Sjálfstæðisflokksins. 8. nóvember 2023 12:30 Ísraelskur fáni í Ráðhúsi Kaupmannahafnar umdeildur Fólki sem átti leið hjá ráðhúsi Kaupmannahafnar í morgun sagðist hafa brugðið við að sjá ísraelskan fána hanga í glugga ráðhússins sem vísar út á H.C Andersensbreiðgötuna, eina mest förnu götu Kaupmannahafnar. 8. nóvember 2023 12:07 Mest lesið Skiljanlegt að málið veki upp miklar og erfiðar tilfinningar Innlent Hart tekist á um umdeildar auglýsingar SFS Innlent Fjöldi herskipa við Reykjavíkurhöfn Innlent Hátt settur herforingi fórst í bílsprengju nærri Moskvu Erlent Með nettengingu í trássi við öryggisreglur til að komast inn á Signal Erlent Rifta samningum vegna gríðarlegrar fækkunar hælisleitenda Innlent Undarlegt að „stórhættulegir menn“ gangi lausir Innlent Byrjaður að selja varning merktan „Trump 2028“ Erlent Mislingar á mörkum þess að verða landlægir í Bandaríkjunum aftur Erlent Uppgötvun íslenskra vísindamanna gæti bætt viðbrögð við náttúruvá Innlent Fleiri fréttir Ítalski baróninn á ekki vatnið sem hann seldi Undarlegt að „stórhættulegir menn“ gangi lausir Rifta samningum vegna gríðarlegrar fækkunar hælisleitenda Segir undarlegt að grunaðir nauðgarar gangi lausir Hart tekist á um umdeildar auglýsingar SFS Uppgötvun íslenskra vísindamanna gæti bætt viðbrögð við náttúruvá Skiljanlegt að málið veki upp miklar og erfiðar tilfinningar Fjöldi herskipa við Reykjavíkurhöfn Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Sjá meira
Þórhildur Sunna Ævarsdóttir þingflokksformaður Pírata kvað sér hljóðs undir liðnum um fundarstjórn forseta í upphafi þingfundar í dag. „Fram er komin tillaga frá utanríkismálanefnd allri sem sameinar alla flokka. Í skýrri tillögu sem er auðvitað ekki 100 prósent eins og ég hefði orðað hana sjálf. En mikilvæg málamiðlun, sem sendir mikilvæg og skýr skilaboð til bæði ráðherra og alþjóðasamfélagsins um stöðuna og afstöðu verði hún samþykkt,” sagði Þórhildur Sunna. Hún dró síðan þingsályktunartillögu Pírata til baka og það Gerði Sigmar Guðmundsson fulltrúi Viðreisnar í utanríkismálanefnd einnig. Viðurkennir að málið hafi reynst erfitt Katrín Jakobsdóttir forsætisráðherra viðurkennir að málið hafi reynst ríkisstjórninni erfitt eftir hjásetu Íslands við tillögu Jórdaníu hjá Sameinuðu þjóðunum um vopnahlé. Íslensk stjórnvöld hafi þó talað skýrt um þörf á tafarlausu vopnahléi og mikilvægi þess að alþjóða- og mannúðarlög væru virt. Eftir atburði síðustu vikna hafi íslensk stjórnvöld einnig tekið undir þá kröfu að atburðir á Gaza verði rannsakaðir. „Hvort þar hafi verið um brot á alþjóðalögum að ræða að hálfu ísraelskra stjórnvalda. Þannig að fyrir þessu höfum við talað en vissulega greindi okkur á um afstöðuna í þeirri atkvæðagreiðslu sem hefur verið hvað mest til umræðu.” Og samskiptin kannski ekki nógu góð á milli forsætis- og utanríkisráðuneytisins fyrir þessa atkvæðagreiðslu? „Nei, nei og ég held að það skrifist á ráðuneytin okkar að þar hefði eitthvað getað betur farið.” Katrín fagnar hins vegar því samkomulagi sem náðst hefur í utanríkismálanefnd. Þetta mál gæti vel verið erfitt fyrir einstaka félaga í Vinstri grænum og öðrum flokkum. „En það skiptir engu máli í samanburði við þá atburði sem eru að eiga sér stað fyrir botni Miðjarðarhafs. Þær þjáningar sem við höfum séð þar. Fyrst eftir árás Hamassamtakanna og síðan í þeim viðbrögðum sem hafa fylgt að hálfu ísraelskra stjórnvalda með tilheyrandi mannfalli óbreyttra borgara. Við verðum auðvitað að muna að það er stóra málið,” segir Katrín. Kalla eftir hléi Utanríkisráðherrar sjö helstu iðnríkja heims, G7, ályktuðu einnig um átökin á Gasa á fundi í Tokyo í dag. Gera þyrfti hlé á átökum til að koma hjálpargögnum til íbúa Gasa og til framtíðar væri tveggja ríkja lausn eina sanngjarna niðurstaðan. Varanlegt vopnahlé væri þó ekki raunhæft á meðan Hamas hefði rúmlega 200 manns í gíslingu. Antony Blinken utanríkisráðherra Bandaríkjanna sagði eftir G7 fundinn að þeir sem kölluðu eftir skilyrðislausu vopnahléi án þess að gíslunum yrði sleppt úr haldi yrðu að útskýra afleiðingarnar. Hamas hefði hótað því að endurtaka aftur og aftur sams konar árásir og liðsmenn þeirra gerðu hinn 7. október. „Bandaríkin telja það lykilatriði að ekki verði um neina nauðungarflutninga Palestínumanna frá Gasa að ræða. Ekki núna og ekki eftir stríðið. Gasasvæðið verði ekki notað til hryðjuverkárása eða annars ofbeldis. Engin herseta verði á Gasasvæðinu eftir að átökunum linnir. Engar tilraunir til að setja Gasasvæðið í herkví. Engar skerðingar á landsvæði Gasa,“ sagði Blinken.
Alþingi Átök í Ísrael og Palestínu Ísrael Palestína Utanríkismál Tengdar fréttir Náðu saman með ályktun um vopnahlé Utanríkismálanefnd komst að samkomulagi um tillögu að þingsályktun á fundi sínum í morgun sem snertir á kröfu um vopnahlé á Gasa, fordæmingu á hryðjuverkum Hamas-samtakanna í Ísrael og fordæmingu á verknaði Ísraelsstjórnar í kjölfarið. Tillagan verður tekin fyrir á þinginu á morgun. 8. nóvember 2023 14:06 Mikill meirihluti landsmanna óánægður með ákvörðunina Sjö af hverjum tíu Íslendingum eru ósáttir við hvernig Ísland ráðstafaði atkvæði sínu í atkvæðagreiðslu um þingsályktunartillögu á þingi Sameinuðu þjóðanna um vopnahlé á Gasaströndinni. Þetta kemur fram í nýrri könnun Maskínu. Konur eru mun óánægðari en karlar. Þá er mestur stuðningur við ákvörðun Íslands hjá kjósendum Sjálfstæðisflokksins. 8. nóvember 2023 12:30 Ísraelskur fáni í Ráðhúsi Kaupmannahafnar umdeildur Fólki sem átti leið hjá ráðhúsi Kaupmannahafnar í morgun sagðist hafa brugðið við að sjá ísraelskan fána hanga í glugga ráðhússins sem vísar út á H.C Andersensbreiðgötuna, eina mest förnu götu Kaupmannahafnar. 8. nóvember 2023 12:07 Mest lesið Skiljanlegt að málið veki upp miklar og erfiðar tilfinningar Innlent Hart tekist á um umdeildar auglýsingar SFS Innlent Fjöldi herskipa við Reykjavíkurhöfn Innlent Hátt settur herforingi fórst í bílsprengju nærri Moskvu Erlent Með nettengingu í trássi við öryggisreglur til að komast inn á Signal Erlent Rifta samningum vegna gríðarlegrar fækkunar hælisleitenda Innlent Undarlegt að „stórhættulegir menn“ gangi lausir Innlent Byrjaður að selja varning merktan „Trump 2028“ Erlent Mislingar á mörkum þess að verða landlægir í Bandaríkjunum aftur Erlent Uppgötvun íslenskra vísindamanna gæti bætt viðbrögð við náttúruvá Innlent Fleiri fréttir Ítalski baróninn á ekki vatnið sem hann seldi Undarlegt að „stórhættulegir menn“ gangi lausir Rifta samningum vegna gríðarlegrar fækkunar hælisleitenda Segir undarlegt að grunaðir nauðgarar gangi lausir Hart tekist á um umdeildar auglýsingar SFS Uppgötvun íslenskra vísindamanna gæti bætt viðbrögð við náttúruvá Skiljanlegt að málið veki upp miklar og erfiðar tilfinningar Fjöldi herskipa við Reykjavíkurhöfn Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Sjá meira
Náðu saman með ályktun um vopnahlé Utanríkismálanefnd komst að samkomulagi um tillögu að þingsályktun á fundi sínum í morgun sem snertir á kröfu um vopnahlé á Gasa, fordæmingu á hryðjuverkum Hamas-samtakanna í Ísrael og fordæmingu á verknaði Ísraelsstjórnar í kjölfarið. Tillagan verður tekin fyrir á þinginu á morgun. 8. nóvember 2023 14:06
Mikill meirihluti landsmanna óánægður með ákvörðunina Sjö af hverjum tíu Íslendingum eru ósáttir við hvernig Ísland ráðstafaði atkvæði sínu í atkvæðagreiðslu um þingsályktunartillögu á þingi Sameinuðu þjóðanna um vopnahlé á Gasaströndinni. Þetta kemur fram í nýrri könnun Maskínu. Konur eru mun óánægðari en karlar. Þá er mestur stuðningur við ákvörðun Íslands hjá kjósendum Sjálfstæðisflokksins. 8. nóvember 2023 12:30
Ísraelskur fáni í Ráðhúsi Kaupmannahafnar umdeildur Fólki sem átti leið hjá ráðhúsi Kaupmannahafnar í morgun sagðist hafa brugðið við að sjá ísraelskan fána hanga í glugga ráðhússins sem vísar út á H.C Andersensbreiðgötuna, eina mest förnu götu Kaupmannahafnar. 8. nóvember 2023 12:07