Hönnunarhjón ást­fangin í tuttugu ár

Í tilefni tímamótanna birti Karitas mynd af þeim saman fyrir tuttugu árum. 

„20 ár sam­an og alltaf jafn gam­an. Ekki leiðin­legt að fatta / muna það í góðra vina­hópi - Þú ert bestur elsku Haf­steinn,“ skrifaði Karitas við mynd­ina.

Hafsteinn og Karitas gengu í hnapphelduna árið 2011 og eiga saman tvær dætur.

Hjónin hafa getið sér gott orð í heimi hönnunar á Íslandi síðastliðin ár og þykja með eindæmum smekkleg. Þau hafa hannað fjöldann af veitingastöðum, verslunum og íbúðum. Þá hafa þau verið gestir Sindra Sindrasonar í þættinum Heimsókn nokkrum sinnum.

Hér að neðan má sjá þátt frá árinu 2020 þegar þau bjuggu á Sólvallagötu.

Framtíðarheimili í Þingholtunum

Nýverið festu hjónin kaup á draumaeigninni við Fjölnisveg 14. Húsið er byggt árið 1934 og er 306 fermetrar að stærð á þremur hæðum.

„Staðsetningin, húsið sjálft og garðurinn seldi okkur þetta. Eftir að við fengum að skoða húsið að innan urðum við ennþá spenntari. Við fundum góðan anda og sáum strax möguleikana sem við gætum gert til að gera húsið að okkar draumaheimili. Fyrri eigendur bjuggu í húsinu í rúm fjörutíu ár og hlakkar okkur mikið til að taka við eigninni og viðhalda notalegum stundum,” sagði Karitas í samtali við Vísi.