Enski boltinn

Ekki unnið heima­leik í 105 daga þangað til Man United kom í heim­sókn

Runólfur Trausti Þórhallsson skrifar
Unnu loks heimaleik.
Unnu loks heimaleik. EPA-EFE/DANIEL HAMBURY

Árangur Tottenham Hotspur á heimavelli í ensku úrvalsdeild karla í fótbolta hefur ekki verið upp á marga fiska undanfarnar vikur og mánuði. Það stöðvaði liðið þó ekki að sækja sinn fyrsta sigur í 105 daga þegar Manchester United kom í heimsókn á sunnudag.

Bæði lið hafa átt erfitt uppdráttar á leiktíðinni og eru í hálfgerðri fallbaráttu þegar 13 umferðir eru eftir af tímabilinu. Heimavallarárangur Tottenham hefur verið hreint út skelfilegur og hafði liðið ekki unnið í síðustu sjö heimaleikjum sínum þangað til Manchester United kom í heimsókn þann 16. febrúar.

Þann 3. nóvember vann Tottenham 2-1 heimasigur á Aston Villa. Þó Spurs hafi unnið útisigra á Brentford og Southampton sem og heimaleiki í öðrum keppnum, þar á meðal 4-3 sigur á Man Utd í enska deildarbikarnum, hafði liðið ekki unnið leik á heimavelli fyrr en um liðna helgi.

Leikirnir sem um er ræðir eru:

  • 10. nóvember 2024: Tottenham 1-2 Ipswich Town
  • 1. desember 2024: Tottenham 1-1 Fulham
  • 8. desember 2024: Tottenham 3-4 Chelsea
  • 22. desember 2024: Tottenham 3-6 Liverpool
  • 29. desember 2024: Tottenham 2-2 Wolves
  • 4. janúar 2025: Tottenham 1-2 Newcastle United
  • 26. janúar 2025: Tottenham 1-2 Leicester City

Sigurinn á Man United lyftir Tottenham upp í 12. sæti ensku úrvalsdeildarinnar með 30 stig á meðan Man Utd er í 15. sæti með 29 stig.

Fótbolti Enski boltinn

Tengdar fréttir

Maddi­son tryggði langþráðan heima­sigur

Tottenham Hotspur vann Manchester United 1-0 í uppgjöri tveggja liða sem ætluðu sér mikið í upphafi tímabils en hafa lítið sem ekkert getað til þessa í ensku úrvalsdeildinni.

„Staða okkar í töflunni veldur mér áhyggjum“

„Þeir skoruðu en ekki við. Það var munurinn á leiknum í dag,“ sagði Rúben Amorim, þjálfari Manchester United, eftir að lið hans tapaði 1-0 fyrir Tottenham Hotspur í síðasta leik dagsins í ensku úrvalsdeild karla í fótbolta.

Mest lesið


Fleiri fréttir

Sjá meira


×

Mest lesið