Fótbolti

Gary Martin aftur í ensku deildina

Siggeir Ævarsson skrifar
Gary Martin hefur komið víða við á ferlinum. Hann stoppaði örstutt við hjá Valsmönnum 2019, lék þrjá leiki og skoraði tvö mörk áður en hann skipti yfir í ÍBV.
Gary Martin hefur komið víða við á ferlinum. Hann stoppaði örstutt við hjá Valsmönnum 2019, lék þrjá leiki og skoraði tvö mörk áður en hann skipti yfir í ÍBV. VÍSIR/DANÍEL

Enski markahrókurinn Gary Martin, sem lék hér á Íslandi um árabil, er mættur í enska boltann á ný en Martin lék síðast á Englandi 2009 með unglingaliði Middlesbrough. Stjóri aðalliðsins þá var enginn annar en Gareth Southgate.

Martin greindi sjálfur frá félagaskiptunum á samfélagsmiðlum en hinn 34 ára framherji virðist vera í toppformi, eða að minnsta kosti búinn að taka hendur nokkuð reglulega í ræktinni undanfarið.

Hann er sem sagt búinn að semja við Hebburn Town F.C. sem leikur í Northern Premier League, sem er hluti af G og H-deild enska boltans.

Martin lék á Íslandi með hléum frá 2010-2024. Hann hóf ferilinn hér á landi með ÍA en lauk honum á láni hjá Víkingi frá Ólafsvík. Í millitíðinni lék hann með KR, ÍBV, Val, Víkingi Reykjavík og Selfossi. Hann skoraði alls 182 mörk í 342 leikjum í öllum keppnum. Hann varð Íslandsmeistari með KR 2013 og bikarmeistari 2012 og 2014.

Gary kvaddi Ísland formlega síðasta haust en hann lék með áhugamannaliði Bishop Auckland F.C. í vetur.

Enski boltinn

Mest lesið


Fleiri fréttir

Sjá meira


×

Mest lesið