Loka fyrir færslur á Workplace í haust

Tæknirisinn Meta greinir frá því í tilkynningu að Workplace, sem er samfélagsmiðill fyrir vinnustaði, verði lokað á næsta ári. 

Eftir 31. ágúst 2025 verði aðeins hægt að lesa færslur á miðlinum eða hala niður gögnum af honum. Þann 1. júní verður miðlinum lokað fyrir fullt og allt. Í tilkynningunni segir Meta að þau sýni því skilning að lokunin gæti haft víðtæk áhrif á fyrirtæki sem nýta sér miðilinn.

Forritið gerir starfsmönnum kleift að deila skjölum og öðru vinnutengdu sín á milli ásamt því að virka sem samfélagsmiðill innan fyrirtækja.

Vorið 2024 tilkynnti Meta að miðlinum yrði lokað þar sem félagið ætlaði að einbeita sér að þróun gervigreindar og svokallaðs Metaverse í staðinn. Stjórnendur félagsins telja að gervigreind félagsins og Metaversa, sýndarveruleikaheimur, muni bylta því hvernig vinna er unnin af hendi í framtíðinni.