Sport

Ís­land fór létt með Marokkó og vinnur riðilinn sinn

Haraldur Örn Haraldsson skrifar
Elmar Erlingsson skoraði sjö mörk í dag, þegar Ísland rústaði Marokkó.
Elmar Erlingsson skoraði sjö mörk í dag, þegar Ísland rústaði Marokkó. IHF

Íslenska undir 21 árs landsliðið spilaði sinn síðasta leik í riðlakeppni forsetabikarsins á HM. Þeir léku við Marokkó og unnu leikinn 48-28, þar af leiðandi vinna þeir riðilinn.

Össur Haraldsson var markahæstur í liði Íslands, hann skoraði 11 mörk, og klúðraði ekki einu skoti.

Skarphéðinn Ívar Einarsson skoraði átta mörk úr tíu skotum, og Elmar Erlingsson skoraði sjö mörk úr átta skotum. Elmar er þá tímabundið næst markahæstur í mótinu með 41 mörk, þrem minna en Færeyingurinn Óli Mittún sem er markahæstur.

Næsti leikur Íslands verður gegn sigurvegaranum í leik Póllands og Argentínu sem mætast í kvöld. Það verður leikur í útsláttarkeppni, þar sem lið keppa um að lenda í 17-32. sæti.

Handbolti Landslið karla í handbolta

Mest lesið


Fleiri fréttir

Sjá meira


×

Mest lesið