Innlent

Mikið við­bragð vegna leka í fiski­báti

Árni Sæberg skrifar
Taug var komið á milli bátanna.
Taug var komið á milli bátanna. Landhelgisgæslan

Þyrlusveit Landhelgisgæslunnar, sjóbjörgunarsveitir Slysavarnafélagsins Landsbjargar á Snæfellsnesi og áhöfnin á sjómælingaskipinu Baldri voru kallaðar út í dag í kjölfar þess að skipstjóri fiskibáts hafði samband við stjórnstöð Landhelgisgæslunnar á tólfta tímanum og lýsti yfir neyðarástandi vegna leka um borð í bátnum. Töluverður sjór var þá kominn í vélarrúm bátsins.

Í fréttatilkynningu þess efnis frá Landhelgisgæslunni segir að einnig hafi skip í grenndinni verið beðin um að halda á staðinn. Skipstjóri annars fiskibáts hafi verið fyrstur á vettvang og komi taug á milli bátanna.

Skömmu síðar hafi sjómælingaskipið Baldur verið komið á staðinn auk björgunarskipsins Bjargar frá Rifi og áhafnarinnar á TF-EIR, þyrlu Landhelgisgæslunnar. Dælum hafi verið komið fyrir um borð og sjó dælt úr bátnum.

Fiskibáturinn hafi verið tekinn í tog til hafnar á Rifi í fylgd björgunarskipsins Bjargar og áhafnar Baldurs.

Landhelgisgæslan Björgunarsveitir Sjávarútvegur Snæfellsbær

Mest lesið


Fleiri fréttir

Sjá meira


×

Mest lesið