ÍBV segir tvær hliðar á málinu og óskar Kára vel­farnaðar

„Félagið áréttar að ávallt séu tvær hliðar á öllum málum og mun ekki tjá sig frekar um einstök samningsmál.

Við óskum Kára velfarnaðar í framtíðinni og þökkum fyrir hans framlag til félagsins“ segir í snubbóttri yfirlýsingu ÍBV.

Garðar B. Sigurjónsson, formaður handknattleiksdeildar ÍBV, svaraði ekki fyrirspurn Vísis í dag.

Kári Kristján sagði frá því hlaðvarpsþættinum Handkastið í gær að hann hefði náð munnlegu samkomulagi við ÍBV fyrr í sumar en verið svikinn um samning. Hann ætli sér aldrei að spila aftur fyrir ÍBV og muni líklega leggja skóna á hilluna.