Innlent

Reikna með að rýmingu verði af­létt í há­deginu

Árni Sæberg skrifar
Nokkur hús voru rýmd á Seyðisfirði í gær.
Nokkur hús voru rýmd á Seyðisfirði í gær. Lögreglan á Austurlandi

Lögreglan á Austurlandi reiknar með því að rýmingu á Seyðisfirði verði aflétt um hádegisbil í dag. Um tíu Seyðfirðingar þurftu að yfirgefa heimili sín klukkan 20 í gærkvöldi vegna snjóflóðahættu.

Í fréttatilkynningu frá Lögreglustjóranum á Austurlandi segir að heldur hafi dregið úr úrkomu á Austurlandi og vegir séu smátt og smátt að opnast. Enn sé þó skafrenningur og úrkoma á fjallvegum eins og á Fagridal og Fjarðarheiði. Þar sé lokun enn í gildi.

„Gert er ráð fyrir að rýmingum á Seyðisfirði verði aflétt um hádegisbil í dag. Aflétting verður kynnt um leið og ákvörðun Veðurstofu liggur fyrir. Vegfarendur sem fyrr beðnir um að fylgjast vel með upplýsingum um færð og veður.“

Veður Lögreglumál Múlaþing

Mest lesið


Fleiri fréttir

Sjá meira


×

Mest lesið