Körfubolti

Sindri sópaði Snæ­felli en Fjölnis­menn héldu sér á lífi gegn KV

Ágúst Orri Arnarson skrifar
Viktor Máni fór fremstur í flokki Fjölnismanna gegn KV í kvöld.
Viktor Máni fór fremstur í flokki Fjölnismanna gegn KV í kvöld.

Sindri er kominn áfram í undanúrslit umspils um sæti í Bónus deild karla í körfubolta á næsta tímabili eftir 3-0 sigur í einvíginu gegn Snæfelli. Fjölnir hélt hins vegar lífi í sinni seríu gegn KV.

Sindramenn unnu 88-78 sigur á heimavelli gegn Snæfelli í kvöld. Jason Gigliotti var allt í öllu hjá heimamönnum á Höfn í Hornafirði, skoraði 30 stig og tók 10 fráköst auk þess að gefa stoðsendingu.

Fjölnismenn unnu 97-83 sigur á heimavelli gegn KV. Viktor Máni Steffensen fór fremstur í flokki Fjölnis og skoraði 27 stig, auk þess að gefa 7 stoðsendingar og grípa 3 fráköst.

KV leiðir einvígið 2-1 og liðin mætast næst í Vesturbænum.

Í hinum einvígunum er Breiðablik 2-0 yfir gegn Skallagrími en staðan er jöfn 1-1 hjá Haukum og Selfossi. Þriðju leikirnir í þeim einvígum fara fram á morgun.

Körfubolti Fjölnir Skallagrímur UMF Selfoss KV

Mest lesið


Fleiri fréttir

Sjá meira


×

Mest lesið