Halda á­fram um­fangs­mikilli leit að ferða­manni við Háa­foss

Þorsteinn M. Kristinsson, aðalvarðstjóri hjá lögreglunni á Suðurlandi, segir að leitin haldi áfram í dag með sambærilegum viðbúnaði. Leitað verði við Háafoss, innarlega í Þjórsárdal, en mögulega verði leitarsvæðið stækkað.

Spurður að því hvort að vitað sé að maðurinn sé týndur á þessum slóðum segir Þorsteinn ekki nægar upplýsingar liggja fyrir. Leitarlið reyni að komast á eitthvað spor en nágrenni Háafoss er síðasti staðurinn þar sem vitað er um ferðir mannsins.

Fínasta veður er á svæðinu, að sögn Þorsteins. Í tilkynningu frá Landsbjörg segir að aðstæður séu þó um margt erfiðar: krapi og drulla þar sem frost sé á leið úr jörðu og svæðið erfitt yfirferðar.

Um tvö hundruð björgunarsveitarmann tóku þátt í leitinni fram í myrkur í gær. Ríkisútvarpið sagði frá leitinni í morgun.