Sigur­ganga Tinda­stóls í Evrópu heldur á­fram

Leikurinn var jafn til að byrja með og undir lok fyrsta leikhluta var Tindastóll með tveggja stiga forystu. Aðeins eitt lið var þó á vellinum í öðrum leikhluta þar sem Tindastóll skoraði 23 stig en Bristol Flyers skoraði aðeins átta.

Staðan var því 45-28 fyrir Tindastól í hálfleik og átti heimaliðið í erfiðleikum með að vinna það upp. Tindastóll spilaði örugglega það sem eftir var leiksins og hleypti heimaliðinu aldrei langt frá sér og endaði leikurinn á 85-68 sigri Tindastóls.

Taiwo Badmus var stigahæstur í liði Tindastóls með 21 stig en hann tók einnig mikilvæg 9 fráköst. Ade Mureky var stuttu á eftir honum en hann skoraði 16 stig og tók 12 fráköst.

Stigahæsti leikmaður leiksins var Davion Bailey en hann er 24 ára Bandaríkjamaður sem spilar fyrir Bristol Flyers. Hann skoraði 30 stig og var með næstum helming allra stiga hjá sínu liði.

Tindastóll heldur núna heim þar sem liðið mætir Njarðvík í fyrsta leik Bónus deildar karla.