Fasteignavefur á visir.is

Ekki fyrir svo löngu opnaði glænýr Vísis-vefur og fasteignavefur í kjölfarið. Þessi fasteignavefur hefur nú gengið í gegnum talsverðar endurbætur og er óhætt að segja að hann er orðinn mun aðgengilegri fyrir hin almenna borgara fasteignaleit. "Leitarvélin á síðunni er glæný og gerir hún allt leitarferlið mun einfaldara og skýrara og með vélinni fást sem bestar niðurstöður," segir Þorsteinn Eyfjörð hjá visir.is. "Vísir er með flestar skráðar fasteignir af öllum fasteignarvefjum á landinu samkvæmt talningu síðustu vikna. Góð reynsla er komin á síðuna og höfum við fengið mjög góðar viðtökur alls staðar að. Fleiri og fleiri nýta sér þessa þjónustu á Vísi þegar leita skal að fasteign. Við erum að vonum mjög ánægðir hér hjá Vísi þar sem vefsíðan hefur heppnast afskaplega vel," bætir Þorsteinn við en allar fasteignasölur á landinu skrá eignir sínar á fasteignasíðu Vísis um leið og þær eru skráðar á sölu. Ásamt því að leita að fasteignum við hæfi á Vísi er hægt að geyma eignir sínar í sérstakri eignamöppu og vistað sérstök leitarskilyrði þannig að leitarvélin leitar alltaf eftir þeim.