Massimo Cellino blandar sér í baráttuna um West Ham

Fjallað er um málið á BBC Radio 5 Live. Þar segir að sést hafi til Cellino á heimaleik QPR á þriðjudagskvöldið. Zola lauk leikmannsferli sínum með Cagliari á sínum tíma en þangað keypti Cellino hann frá Chelsea.

Cellino hefur aldrei legið á aðdáun sinni á Zola og sagði við lok ferils Zola hjá Cagliari að Zola yfirgæfi völlinn með sama stíl og hann hefði leikið á honum.

Það flækir nokkuð málið fyrir Cellino að ef hann festir kaup á West Ham þarf hann að losa sig við eignarhaldið á Cagliari. Samkvæmt reglum ESB getur sami maður ekki átt tvö fótboltalið í tveimur ólíkum löndum.

Samkvæmt fréttinni á BBC virðist Tony Fernandes enn vera inn í myndinni hvað kaupin á West Ham varðar en hann er talinn hafa komið til Bretlands í gærdag frá Malasíu. Fernandes er þekktur fjárfestir í Malasíu og á m.a. AsiaAir flugfélagið.

Aðrir áhugsamir kaupendur eru David Gold og David Sullivan fyrrum eigendur Birmingham og félagið Intermarket.

Samkvæmt heimildum BBC mun líklega verða gengið frá sölunni á West Ham fyrir helgina.