Þétt dagskrá hjá Evrópumeisturunum í jólamánuðinum

Ingvi Þór Sæmundsson skrifar 26. júlí 2019 13:30

Liverpool vann Meistaradeild Evrópu í sjötta sinn síðasta vor. vísir/getty

Mikið álag verður á Evrópumeisturum Liverpool í desember.

Í morgun kynnti FIFA leikjadagskrána fyrir HM félagsliða í Katar. Liverpool leikur í undanúrslitum mótsins miðvikudaginn 18. desember og á svo leik aftur laugardaginn 21. desember, annað hvort um gullið eða bronsið.

Ljóst er að færa þarf leik Liverpool gegn West Ham United í ensku úrvalsdeildinni sem átti að fara fram 21. desember. Ef Liverpool kemst í 8-liða úrslit deildabikarsins þarf að færa leik liðsins sem hefði átt að fara fram annað hvort 17. eða 18. desember.

Fimm leikir eru á dagskránni hjá Liverpool í ensku úrvalsdeildinni í desember. Þá leikur liðið einn leik í Meistaradeild Evrópu í jólamánuðinum.

Liverpool lék síðast á HM félagsliða fyrir 14 árum. Rauði herinn tapaði þá fyrir Sao Paolo frá Brasilíu í úrslitaleik, 1-0.

Liverpool á eftir að leika tvo æfingaleiki áður en liðið mætir Manchester City í leiknum um Samfélagsskjöldinn sunnudaginn 4. ágúst.

Enski boltinn

Tengdar fréttir

Bannað að tala um Meistaradeildarbikarinn við Klopp

Jürgen Klopp er búinn að svara einum of mörgum spurningum um sigurinn í Meistaradeildinni á síðustu leiktíð.

25. júlí 2019 10:00

Klopp segir að hvorki Bale né Couthinho séu að koma til Liverpool

Framtíð þeirra Gareth Bale og Philippe Coutinho á Spáni er í uppnámi og hafa þeir verið báðir orðaðir við ensk félög síðustu vikur og daga. Knattspyrnustjóri Liverpool lokar samt á þann möguleika að þeir endi sem leikmenn Liverpool.

25. júlí 2019 08:30

Sjáðu Jürgen Klopp horfa aftur á skemmtilegustu atvikin í Meistaradeildinni á síðasta tímabili

"Morguninn eftir úrslitaleikinn í Meistaradeildinni var einn besti dagur lífs míns,“ sagði Jürgen Klopp í upphafi myndbands á Youtube-síðu Liverpool þar sem Jürgen Klopp og aðstoðarmaður hans Pep Lijnders horfa saman á eftirminnilegustu atvikin frá Meistaradeildinni á síðasta tímabili.

24. júlí 2019 13:00

Liverpool náði ekki að vinna leik í Bandaríkjaferðinni eftir jafntefli í nótt

Liverpool gerði 2-2 jafntefli við Sporting Lissabon í nótt í síðasta leik sínum í Bandaríkjaferðinni en að þessu sinni var spilað á hinum heimsfræga Yankee Stadium í New York.

25. júlí 2019 07:30