Íslensk fótboltalið á vergangi ef þeim gengur vel Sindri Sverrisson skrifar 16. júlí 2021 09:01 Breiðablik og Valur leika í undankeppni Meistaradeildar Evrópu í næsta mánuði en komist þau áfram í riðlakeppnina er erfitt að segja til um hvar þau munu spila heimaleiki sína. vísir/Elín Björg „Það er ljóst að ástandið er alvarlegt,“ segir Klara Bjartmarz, framkvæmdastjóri KSÍ, um þá staðreynd að ef að íslenskum fótboltaliðum vegnar vel í alþjóðlegri keppni hafa þau engan stað til að spila á í vetur. Breiðablik og Valur (sem mætast reyndar í kvöld í stórleik í Mjólkurbikarnum) eiga möguleika á að komast í nýja riðlakeppni Meistaradeildar kvenna sem spiluð er frá október og fram í desember. Liðin sem þar spila leika þrjá heimaleiki og þrjá útileiki en heimavellir íslensku liðanna uppfylla ekki kröfur UEFA þegar komið er á stóra sviðið í Evrópukeppni, þó þeir dugi í undankeppni. Sömuleiðis er mögulegt, en þó mun ólíklegra, að íslenskt lið spili í riðlakeppni Sambandsdeildar karla í vetur. Karlalandsliðið gæti svo komist í umspil um sæti á HM en það umspil færi þá fram í mars. Laugardalsvöllur gæti hugsanlega dugað fyrir Evrópuleiki félagsliða í nóvember og desember, og landsleiki í mars, en það veltur á mikilli mildi veðurguðanna. Eins og flestum ætti svo sem að vera löngu ljóst þarf Ísland því fótboltavöll sem hægt er að spila á allan ársins hring, leikvang sem stenst alþjóðlegar kröfur, en ekki sér fyrir endann á biðinni löngu eftir nýjum Laugardalsvelli. Flóðljósin á Kópavogsvelli og Hlíðarenda duga ekki Vegna góðs árangurs íslenskra félagsliða í Meistaradeild kvenna undanfarin ár á Ísland tvö lið í nýrri og endurbættri útgáfu keppninnar. Íslandsmeistarar Breiðabliks mæta KÍ frá Færeyjum, og svo litáenskum eða eistneskum meisturum, í fyrri umferð undankeppninnar. Blikakonur eiga því fína möguleika á að komast áfram í seinni umferð sem og alla leið í riðlakeppnina. Silfurlið Vals á mun erfiðari leið fyrir höndum því fyrsta hindrun þess er þýska liðið Hoffenheim. Íslensk lið hafa reglulega náð í hóp 16 bestu í Meistaradeild kvenna og nú er keppnin orðin stærri, verðlaunafé hærra og kröfurnar á félögin meiri. Beinar útsendingar frá riðlakeppninni verða ókeypis á Youtube og UEFA gerir meðal annars þá kröfu að flóðlýsing á völlum sé mjög góð. Það á ekki að sýna frá leikjum bestu liða Evrópu í lélegri birtu. Hún er ekki nægilega góð á Kópavogsvelli og á Hlíðarenda, segir Klara, og því ekki hægt að nýta það að þessir vellir eru lagðir með gervigrasi. „Á þessum völlum eiga að vera flóðljós sem eru að minnsta kosti 800 lúx en eins og staðan er núna er Laugardalsvöllur eini völlurinn sem uppfyllir þau skilyrði. Á þeim velli er nú þegar ljóst að spilaðir verða tíu leikir í september og október,“ segir Klara en framundan eru landsleikir karla og kvenna á þeim tíma. Myndu reyna allt svo að hægt yrði að spila á Laugardalsvelli en ekki hægt að stóla á veðrið Klara stórefast um að UEFA myndi gera undanþágu frá kröfum sínum svo hægt yrði að spila á Kópavogsvelli eða á Hlíðarenda, og segir að reynt yrði að gera kleift að spila á Laugardalsvelli ef þess þyrfti þó erfitt sé að stóla á grasvöll á Íslandi í nóvember eða desember: „Við myndum gera allt sem við gætum til að hafa völlinn til taks fyrir íslensk félög, hvort sem væri í Evrópukeppni kvenna eða karla. Íslenskur fótbolti þarf á því að halda að liðin komist áfram og ef þess er nokkur kostur þá stendur Laugardalsvöllur þessum félögum til boða. En við ráðum ekki við veðurfarslegar aðstæður,“ segir Klara. „Sjáum ekkert fyrir endann á þessu“ Undankeppnin í Meistaradeild kvenna hefst 18. ágúst og kannski falla Valur og Breiðablik bara úr keppni, sem og íslensku karlaliðin í Sambandsdeildinni. Sama staða mun hins vegar koma upp á næsta ári, og á næstu árum, og ekki alltaf hægt að treysta á að íslenskum liðum gangi illa. Kórónuveirufaraldurinn réði því að Ísland þurfti ekki að mæta Rúmeníu á Laugardalsvelli í mars, heldur í október. Komist Ísland í umspil fyrir HM á næsta ári gæti liðið þurft að treysta á að hægt sé að spila á vellinum í mars.vísir/hulda margrét Karlalandsliðið gæti svo komist í umspil um HM-sæti og þurft að spila heimaleik í mars, eins og í umspilinu um sæti á EM þegar kórónuveirufaraldurinn leiddi hins vegar til þess að leik við Rúmeníu var frestað fram í október. „Við sjáum ekkert fyrir endann á þessu. Það er auðvitað ekki gott að vera í þeirri stöðu að velgengni kalli á erfiðar aðstæður. Það er snúið að vinna úr þessu og þetta gæti komið okkur í koll fyrr en við eigum von á. Í hverjum landsleik fáum við athugasemdir og skýrslur frá UEFA, og vandamálin eru ekkert að minnka. Við erum á undanþágu með svo margt á Laugardalsvelli og það er tímaspursmál hvenær UEFA mun krefja okkur um dagsetningar varðandi endurbætur í okkar málum,“ segir Klara sem treystir sér hins vegar ekki til að spá fyrir um hvenær nýr þjóðarleikvangur kunni að rísa. Meistaradeild Evrópu Sambandsdeild Evrópu Valur Breiðablik KSÍ Laugardalsvöllur Mest lesið Féll næstum því í Harvard vegna höfuðverkjanna Fótbolti Ólympíumeistarinn þarf að fara í kynjapróf til að fá að keppa Sport Leikdagur í Munchen: Gummi Ben og Kjartan hita upp fyrir stærsta leik ársins Fótbolti Sjáðu frábæra afgreiðslu Sveindísar Jane Fótbolti Dagskráin: Úrslitaleikur Meistaradeildarinnar á kvöldið Sport Mikil öryggisgæsla í París þótt að úrslitaleikurinn fari fram í München Fótbolti Dagur Dan kallaður inn í íslenska landsliðið Fótbolti Ancelotti: Brasilíska landsliðið mitt mun spila eins og Real Madrid Fótbolti „Þakklát fyrir að vera á leið aftur inn í jafn frábært umhverfi“ Körfubolti Stelpurnar hennar Betu réðu ekki við heimsmeistarana í lokin Fótbolti Fleiri fréttir Dagur Dan kallaður inn í íslenska landsliðið Leikdagur í Munchen: Gummi Ben og Kjartan hita upp fyrir stærsta leik ársins Féll næstum því í Harvard vegna höfuðverkjanna Mikil öryggisgæsla í París þótt að úrslitaleikurinn fari fram í München Ancelotti: Brasilíska landsliðið mitt mun spila eins og Real Madrid Njarðvík og ÍR upp í efstu sætin í Lengjudeildinni „Við í rauninni töpum tveimur stigum“ Beever-Jones með þrennu í fyrsta landsleiknum sínum á Wembley Stelpurnar hennar Betu réðu ekki við heimsmeistarana í lokin „Gengur kannski illa að vinna leiki en við vinnum bara réttu leikina“ Fyrrum aðstoðarmaður Klopp aðstoðar Guardiola á næsta tímabili Harder tryggði Dönum dýrmætan sigur Sjáðu frábæra afgreiðslu Sveindísar Jane Ungu strákarnir björguðu andliti Man United í Hong Kong Uppgjörið: Noregur - Ísland 1-1 | Dýrt sjálfsmark kostaði sigurinn „Auðveld ákvörðun“ þegar hann heyrði af áhuga Liverpool Fjórir miðverðir í íslensku vörninni á Lerkendal Bindur vonir við nýja manninn: „Ekki með svona leikmann í liðinu í dag“ Enn hærra metboð frá Liverpool Tilkynnti að hún yrði mamma fyrir stórleikinn við Ísland í kvöld KR-ingar alveg týndir: „Bara eins og þegar ég er einn heima“ Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Heimir uppskar hrossahlátur: „Sagði ekki farið til fjandans“ Palestína gæti komist á HM þrátt fyrir að vera ekki viðurkennt fullvalda ríki Sér á eftir Earps en vill ekki ræða hvað fór þeirra á milli Kaupa Delap og eru í viðræðum við Sancho Sjá meira
Breiðablik og Valur (sem mætast reyndar í kvöld í stórleik í Mjólkurbikarnum) eiga möguleika á að komast í nýja riðlakeppni Meistaradeildar kvenna sem spiluð er frá október og fram í desember. Liðin sem þar spila leika þrjá heimaleiki og þrjá útileiki en heimavellir íslensku liðanna uppfylla ekki kröfur UEFA þegar komið er á stóra sviðið í Evrópukeppni, þó þeir dugi í undankeppni. Sömuleiðis er mögulegt, en þó mun ólíklegra, að íslenskt lið spili í riðlakeppni Sambandsdeildar karla í vetur. Karlalandsliðið gæti svo komist í umspil um sæti á HM en það umspil færi þá fram í mars. Laugardalsvöllur gæti hugsanlega dugað fyrir Evrópuleiki félagsliða í nóvember og desember, og landsleiki í mars, en það veltur á mikilli mildi veðurguðanna. Eins og flestum ætti svo sem að vera löngu ljóst þarf Ísland því fótboltavöll sem hægt er að spila á allan ársins hring, leikvang sem stenst alþjóðlegar kröfur, en ekki sér fyrir endann á biðinni löngu eftir nýjum Laugardalsvelli. Flóðljósin á Kópavogsvelli og Hlíðarenda duga ekki Vegna góðs árangurs íslenskra félagsliða í Meistaradeild kvenna undanfarin ár á Ísland tvö lið í nýrri og endurbættri útgáfu keppninnar. Íslandsmeistarar Breiðabliks mæta KÍ frá Færeyjum, og svo litáenskum eða eistneskum meisturum, í fyrri umferð undankeppninnar. Blikakonur eiga því fína möguleika á að komast áfram í seinni umferð sem og alla leið í riðlakeppnina. Silfurlið Vals á mun erfiðari leið fyrir höndum því fyrsta hindrun þess er þýska liðið Hoffenheim. Íslensk lið hafa reglulega náð í hóp 16 bestu í Meistaradeild kvenna og nú er keppnin orðin stærri, verðlaunafé hærra og kröfurnar á félögin meiri. Beinar útsendingar frá riðlakeppninni verða ókeypis á Youtube og UEFA gerir meðal annars þá kröfu að flóðlýsing á völlum sé mjög góð. Það á ekki að sýna frá leikjum bestu liða Evrópu í lélegri birtu. Hún er ekki nægilega góð á Kópavogsvelli og á Hlíðarenda, segir Klara, og því ekki hægt að nýta það að þessir vellir eru lagðir með gervigrasi. „Á þessum völlum eiga að vera flóðljós sem eru að minnsta kosti 800 lúx en eins og staðan er núna er Laugardalsvöllur eini völlurinn sem uppfyllir þau skilyrði. Á þeim velli er nú þegar ljóst að spilaðir verða tíu leikir í september og október,“ segir Klara en framundan eru landsleikir karla og kvenna á þeim tíma. Myndu reyna allt svo að hægt yrði að spila á Laugardalsvelli en ekki hægt að stóla á veðrið Klara stórefast um að UEFA myndi gera undanþágu frá kröfum sínum svo hægt yrði að spila á Kópavogsvelli eða á Hlíðarenda, og segir að reynt yrði að gera kleift að spila á Laugardalsvelli ef þess þyrfti þó erfitt sé að stóla á grasvöll á Íslandi í nóvember eða desember: „Við myndum gera allt sem við gætum til að hafa völlinn til taks fyrir íslensk félög, hvort sem væri í Evrópukeppni kvenna eða karla. Íslenskur fótbolti þarf á því að halda að liðin komist áfram og ef þess er nokkur kostur þá stendur Laugardalsvöllur þessum félögum til boða. En við ráðum ekki við veðurfarslegar aðstæður,“ segir Klara. „Sjáum ekkert fyrir endann á þessu“ Undankeppnin í Meistaradeild kvenna hefst 18. ágúst og kannski falla Valur og Breiðablik bara úr keppni, sem og íslensku karlaliðin í Sambandsdeildinni. Sama staða mun hins vegar koma upp á næsta ári, og á næstu árum, og ekki alltaf hægt að treysta á að íslenskum liðum gangi illa. Kórónuveirufaraldurinn réði því að Ísland þurfti ekki að mæta Rúmeníu á Laugardalsvelli í mars, heldur í október. Komist Ísland í umspil fyrir HM á næsta ári gæti liðið þurft að treysta á að hægt sé að spila á vellinum í mars.vísir/hulda margrét Karlalandsliðið gæti svo komist í umspil um HM-sæti og þurft að spila heimaleik í mars, eins og í umspilinu um sæti á EM þegar kórónuveirufaraldurinn leiddi hins vegar til þess að leik við Rúmeníu var frestað fram í október. „Við sjáum ekkert fyrir endann á þessu. Það er auðvitað ekki gott að vera í þeirri stöðu að velgengni kalli á erfiðar aðstæður. Það er snúið að vinna úr þessu og þetta gæti komið okkur í koll fyrr en við eigum von á. Í hverjum landsleik fáum við athugasemdir og skýrslur frá UEFA, og vandamálin eru ekkert að minnka. Við erum á undanþágu með svo margt á Laugardalsvelli og það er tímaspursmál hvenær UEFA mun krefja okkur um dagsetningar varðandi endurbætur í okkar málum,“ segir Klara sem treystir sér hins vegar ekki til að spá fyrir um hvenær nýr þjóðarleikvangur kunni að rísa.
Meistaradeild Evrópu Sambandsdeild Evrópu Valur Breiðablik KSÍ Laugardalsvöllur Mest lesið Féll næstum því í Harvard vegna höfuðverkjanna Fótbolti Ólympíumeistarinn þarf að fara í kynjapróf til að fá að keppa Sport Leikdagur í Munchen: Gummi Ben og Kjartan hita upp fyrir stærsta leik ársins Fótbolti Sjáðu frábæra afgreiðslu Sveindísar Jane Fótbolti Dagskráin: Úrslitaleikur Meistaradeildarinnar á kvöldið Sport Mikil öryggisgæsla í París þótt að úrslitaleikurinn fari fram í München Fótbolti Dagur Dan kallaður inn í íslenska landsliðið Fótbolti Ancelotti: Brasilíska landsliðið mitt mun spila eins og Real Madrid Fótbolti „Þakklát fyrir að vera á leið aftur inn í jafn frábært umhverfi“ Körfubolti Stelpurnar hennar Betu réðu ekki við heimsmeistarana í lokin Fótbolti Fleiri fréttir Dagur Dan kallaður inn í íslenska landsliðið Leikdagur í Munchen: Gummi Ben og Kjartan hita upp fyrir stærsta leik ársins Féll næstum því í Harvard vegna höfuðverkjanna Mikil öryggisgæsla í París þótt að úrslitaleikurinn fari fram í München Ancelotti: Brasilíska landsliðið mitt mun spila eins og Real Madrid Njarðvík og ÍR upp í efstu sætin í Lengjudeildinni „Við í rauninni töpum tveimur stigum“ Beever-Jones með þrennu í fyrsta landsleiknum sínum á Wembley Stelpurnar hennar Betu réðu ekki við heimsmeistarana í lokin „Gengur kannski illa að vinna leiki en við vinnum bara réttu leikina“ Fyrrum aðstoðarmaður Klopp aðstoðar Guardiola á næsta tímabili Harder tryggði Dönum dýrmætan sigur Sjáðu frábæra afgreiðslu Sveindísar Jane Ungu strákarnir björguðu andliti Man United í Hong Kong Uppgjörið: Noregur - Ísland 1-1 | Dýrt sjálfsmark kostaði sigurinn „Auðveld ákvörðun“ þegar hann heyrði af áhuga Liverpool Fjórir miðverðir í íslensku vörninni á Lerkendal Bindur vonir við nýja manninn: „Ekki með svona leikmann í liðinu í dag“ Enn hærra metboð frá Liverpool Tilkynnti að hún yrði mamma fyrir stórleikinn við Ísland í kvöld KR-ingar alveg týndir: „Bara eins og þegar ég er einn heima“ Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Heimir uppskar hrossahlátur: „Sagði ekki farið til fjandans“ Palestína gæti komist á HM þrátt fyrir að vera ekki viðurkennt fullvalda ríki Sér á eftir Earps en vill ekki ræða hvað fór þeirra á milli Kaupa Delap og eru í viðræðum við Sancho Sjá meira