Segir ótvírætt að þingið hafi lokaorðið um gildi kosninga Árni Sæberg skrifar 4. október 2021 18:32 Birgir Ármannsson þingflokksformaður Sjálfstæðisflokksins. Vísir/Vilhelm Formaður undirbúningsnefndar kjörbréfanefndar segir alveg ótvírætt að þingið hafi síðasta orðið um það samkvæmt stjórnarskrá hvort kosningar séu gildar og hvort þingmenn séu rétt kjörnir. Birgir Ármannsson er formaður undirbúningsnefndar kjörbréfanefndar sem ræður fram úr stöðunni sem komin er upp vegna talningarinnar í NV kjördæmi. Hann ræddi störf nefndarinnar í Reykjavík síðdegis. Hlusta má á viðtalið í heild sinni í spilaranum hér að neðan: Hlutverk nefndarinnar sé að undirbúa störf kjörbréfanefndar sem verður kosin á fyrsta þingfundi. „Það liggur fyrir að við þurfum í þessari nefnd að fara yfir kjörbréf þingmanna sem landskjörstjórn hefur gefið út og fjalla um kærur sem komnar eru fram eða munu koma fram vegna kosninganna“ Nefndarsetan nú sé frábrugðin fyrri setum Birgir Ármannsson hefur mikla reynslu af því að sitja í undirbúningsnefnd kjörbréfanefndar en hann telur starfið núna munu verða frábrugðið því sem áður hefur verið. „Kærumál sem eru komin fram eru annars eðlis en þau sem við höfum verið að fást við hingað til. Venjulega felst þetta starf fyrst og fremst í því að fara yfir ágreiningsatkvæði, ákvæði sem ágreiningur hefur verið um við afgreiðslu yfirkjörstjórnar. Við í sjálfu sér þurfum að gera það líka þau að þau séu kannski ekki mörg. Það eru þegar komin kærumál sem varða framkvæmdina í Norðvesturkjördæmi sem við þurfum að fara yfir og taka afstöðu til,“ segir hann. Stjórnarskráin trompi Mannréttindadómstól Evrópu Sumir sem kært hafa framkvæmd kosninganna hafa sagst ætla að taka málið lengra og jafnvel leggja fram kæru til Mannréttindadómstóls Evrópu. Nýverið féll dómur Mannréttindadómstólsins í máli sem varðaði kosningaframkvæmd í Belgíu. Dómurinn taldi ótækt að þingmenn greiði sjálfir atkvæði um lögmæti eigin kjörs, eins og til stendur hér á landi. „Við náttúrulega kynnum okkur þann dóm og önnur gögn sem geta skipt máli en það er hins vegar alveg ótvírætt að þingið hefur síðasta orðið um það samkvæmt stjórnarskrá hvort kosningar eru gildar og hvort þingmenn eru rétt kjörnir. Við auðvitað förum að stjórnarskrá, kosningalögum og lögum um þingsköp Alþingis og reynum að komast að skynsamlegri og málefnalegri niðurstöðu á þeim grundvelli,“ segir Birgir. Birgir svarar því játandi að stjórnarskráin sé rétthærri réttarheimild en dómar Mannréttindadómstóls Evrópu. „Hún er auðvitað grunnréttarheimildin sem við förum eftir í þessu en auðvitað vitum við ekkert hvað gerist í framhaldinu, hvort einhverjir einstaklingar kjósi að leita réttar síns með öðrum hætti.“ Enginn tímarammi liggi fyrir Birgir segir ekki hægt að segja til um það á þessu stigi máls hversu lengi undirbúningsnefndin verði að störfum. „Við stöndum frammi fyrir því að þurfa að gæta að tvenns konar sjónarmiðum í því, auðvitað skiptir máli að eyða óvissu eins fljótt og hægt er, en á hinn bóginn þurfum við að vanda okkur í okkar verki. Þannig að við getum ekki hlaupið að niðurstöðum án þess að fara vel yfir mál, afla gagna og taka síðan afstöðu til þeirra kærumála sem eru fram komin á málefnalegum forsendum,“ segir hann. Þröng skilyrði fyrir uppkosningu „Lögin gera vissulega ráð fyrir því að það sé hægt að efna til endurtekinnar kosningar í kjördæmi ef þingið kemst að þeirri niðurstöðu að það hafi verið þannig veigamiklir ágallar á kosningunni að það geti haft áhrif á niðurstöður kosninganna,“ segir Birgir. Hann segir tvö skilyrði vera fyrir því að Alþingi meti kosningu einhvers eða einhverra þingmanna ógilda. Þá sé litið til þess hvort um verulega ágalla er að ræða og hvort að þeir geti haft áhrif á niðurstöðu kosninganna. Alþingi Alþingiskosningar 2021 Endurtalning í Norðvesturkjördæmi Reykjavík síðdegis Mest lesið Vaktin: Eldgos hafið nærri Grindavík Innlent Ekkert spurst til Sólrúnar á Spáni í nokkra daga Innlent Lést í umferðarslysi við Álfabakka Innlent Snorri sagður spúa hatri og trumpísku yfir heimsbyggðina Innlent Ók yfir á rangan helming og lést átta dögum síðar Innlent „Það munaði minnstu að þeir dræpu mig“ Innlent Hrina gikkskjálfta við Trölladyngju Innlent Meint hræðsla dómara ekki næg ástæða til að taka málið fyrir Innlent Tuttugu og þrjár konur stíga fram og fórnarlömb raðnauðgara talin á sjöunda tug Erlent Erlendir ferðamenn gripnir glóðvolgir Innlent Fleiri fréttir Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn „Svartari sviðsmynd en flestir bjuggust við“ Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Sjá meira
Birgir Ármannsson er formaður undirbúningsnefndar kjörbréfanefndar sem ræður fram úr stöðunni sem komin er upp vegna talningarinnar í NV kjördæmi. Hann ræddi störf nefndarinnar í Reykjavík síðdegis. Hlusta má á viðtalið í heild sinni í spilaranum hér að neðan: Hlutverk nefndarinnar sé að undirbúa störf kjörbréfanefndar sem verður kosin á fyrsta þingfundi. „Það liggur fyrir að við þurfum í þessari nefnd að fara yfir kjörbréf þingmanna sem landskjörstjórn hefur gefið út og fjalla um kærur sem komnar eru fram eða munu koma fram vegna kosninganna“ Nefndarsetan nú sé frábrugðin fyrri setum Birgir Ármannsson hefur mikla reynslu af því að sitja í undirbúningsnefnd kjörbréfanefndar en hann telur starfið núna munu verða frábrugðið því sem áður hefur verið. „Kærumál sem eru komin fram eru annars eðlis en þau sem við höfum verið að fást við hingað til. Venjulega felst þetta starf fyrst og fremst í því að fara yfir ágreiningsatkvæði, ákvæði sem ágreiningur hefur verið um við afgreiðslu yfirkjörstjórnar. Við í sjálfu sér þurfum að gera það líka þau að þau séu kannski ekki mörg. Það eru þegar komin kærumál sem varða framkvæmdina í Norðvesturkjördæmi sem við þurfum að fara yfir og taka afstöðu til,“ segir hann. Stjórnarskráin trompi Mannréttindadómstól Evrópu Sumir sem kært hafa framkvæmd kosninganna hafa sagst ætla að taka málið lengra og jafnvel leggja fram kæru til Mannréttindadómstóls Evrópu. Nýverið féll dómur Mannréttindadómstólsins í máli sem varðaði kosningaframkvæmd í Belgíu. Dómurinn taldi ótækt að þingmenn greiði sjálfir atkvæði um lögmæti eigin kjörs, eins og til stendur hér á landi. „Við náttúrulega kynnum okkur þann dóm og önnur gögn sem geta skipt máli en það er hins vegar alveg ótvírætt að þingið hefur síðasta orðið um það samkvæmt stjórnarskrá hvort kosningar eru gildar og hvort þingmenn eru rétt kjörnir. Við auðvitað förum að stjórnarskrá, kosningalögum og lögum um þingsköp Alþingis og reynum að komast að skynsamlegri og málefnalegri niðurstöðu á þeim grundvelli,“ segir Birgir. Birgir svarar því játandi að stjórnarskráin sé rétthærri réttarheimild en dómar Mannréttindadómstóls Evrópu. „Hún er auðvitað grunnréttarheimildin sem við förum eftir í þessu en auðvitað vitum við ekkert hvað gerist í framhaldinu, hvort einhverjir einstaklingar kjósi að leita réttar síns með öðrum hætti.“ Enginn tímarammi liggi fyrir Birgir segir ekki hægt að segja til um það á þessu stigi máls hversu lengi undirbúningsnefndin verði að störfum. „Við stöndum frammi fyrir því að þurfa að gæta að tvenns konar sjónarmiðum í því, auðvitað skiptir máli að eyða óvissu eins fljótt og hægt er, en á hinn bóginn þurfum við að vanda okkur í okkar verki. Þannig að við getum ekki hlaupið að niðurstöðum án þess að fara vel yfir mál, afla gagna og taka síðan afstöðu til þeirra kærumála sem eru fram komin á málefnalegum forsendum,“ segir hann. Þröng skilyrði fyrir uppkosningu „Lögin gera vissulega ráð fyrir því að það sé hægt að efna til endurtekinnar kosningar í kjördæmi ef þingið kemst að þeirri niðurstöðu að það hafi verið þannig veigamiklir ágallar á kosningunni að það geti haft áhrif á niðurstöður kosninganna,“ segir Birgir. Hann segir tvö skilyrði vera fyrir því að Alþingi meti kosningu einhvers eða einhverra þingmanna ógilda. Þá sé litið til þess hvort um verulega ágalla er að ræða og hvort að þeir geti haft áhrif á niðurstöðu kosninganna.
Alþingi Alþingiskosningar 2021 Endurtalning í Norðvesturkjördæmi Reykjavík síðdegis Mest lesið Vaktin: Eldgos hafið nærri Grindavík Innlent Ekkert spurst til Sólrúnar á Spáni í nokkra daga Innlent Lést í umferðarslysi við Álfabakka Innlent Snorri sagður spúa hatri og trumpísku yfir heimsbyggðina Innlent Ók yfir á rangan helming og lést átta dögum síðar Innlent „Það munaði minnstu að þeir dræpu mig“ Innlent Hrina gikkskjálfta við Trölladyngju Innlent Meint hræðsla dómara ekki næg ástæða til að taka málið fyrir Innlent Tuttugu og þrjár konur stíga fram og fórnarlömb raðnauðgara talin á sjöunda tug Erlent Erlendir ferðamenn gripnir glóðvolgir Innlent Fleiri fréttir Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn „Svartari sviðsmynd en flestir bjuggust við“ Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Sjá meira